പത്തനംതിട്ട: കാട്ടാനശല്യം തടയാന്‍ വനാതിര്‍ത്തിയില്‍ ചക്ക സംഭരണം നടത്തുമെന്ന് വനം വകുപ്പ്. അടുത്ത സീസണ്‍ മുതല്‍ ചക്ക പഴുക്കും മുമ്പ് വനം വകുപ്പ് നേരിട്ടെത്തി ശേഖരിക്കുമെന്ന് മന്ത്രി ഷിബു ബേബി ജോണ്‍ പറഞ്ഞു.
കൃഷി വകുപ്പ് മന്ത്രിയുമായി ഇക്കാര്യം സംസാരിച്ചു. ചക്ക പഴുക്കാന്‍ അനുവദിക്കാതെ അത് പറിച്ചു തന്നാല്‍ പണം നല്‍കാമെന്നും നഷ്ടം വന്നാല്‍ സഹിച്ചോളാമെന്നും ഷിബു ബേബി ജോണ്‍ പറഞ്ഞു. ഇടിച്ചക്കയ്‌ക്ക് നിലവില്‍ നല്ല ഡിമാന്‍ഡുണ്ടെന്നും അദ്ദേഹം പറഞ്ഞു.
പ്ലാവ് വെട്ടിക്കളയാന്‍ കര്‍ഷകനോട് പറയാന്‍ പറ്റില്ല. ചക്ക പഴുത്ത് കഴിഞ്ഞാല്‍ ആന എങ്ങനെയെങ്കിലും ഇറങ്ങും.അത് തടയാനാവില്ലെന്നും ഷിബു ബേബി ജോണ്‍ പറഞ്ഞു.
ചക്കയുടെ കാര്യം നിലനില്‍ക്കവെ പ്ലാന്റേഷന്‍ കോര്‍പറേഷന്‍ നേതൃത്വത്തില്‍ വനഭൂമിയില്‍ പൈനാപ്പിള്‍ കൃഷി നടക്കുന്നുണ്ട്. കാട്ടാന ഇറങ്ങാന്‍ കാരണം ഇത്തരം കാര്യങ്ങളാണെന്നും മന്ത്രി പറഞ്ഞു.
