തിരുവനന്തപുരം: തലസ്ഥാനത്തെ പ്രമുഖ സ്ഥാപനത്തില് വച്ച് കോച്ചിംഗിനിടെ വിദ്യാര്ത്ഥിനിയെ പീഡിപ്പിച്ച കേസില് ക്രിക്കറ്റ് കോച്ച് വള്ളക്കടവ് ശ്രീവരാഹം സ്വദേശി എം. മനുവിനെ (40) തിരുവനന്തപുരം അതിവേഗ പ്രത്യേക കോടതി 35 വര്ഷം കഠിന തടവിനും 66,000 രൂപ പിഴയ്ക്കും ശിക്ഷിച്ചു. മനുവിന്റെ പേരിലുള്ള രണ്ടാമത്തെ കേസിലാണ് ഈ വിധി. മൂന്നാമത്തെ കേസിലും പ്രതി കുറ്റക്കാരനാണെന്ന് കോടതി കണ്ടെത്തിയിട്ടുണ്ട്. 2018 ലാണ് ഈ കേസിലെ പരാതിക്കാരി കോച്ചിംഗിനായി സ്ഥാപനത്തില് എത്തുന്നത്. ഇതിനിടെ പരിശീലനത്തിനെന്ന പേരില് ജിമ്മിലും ബാത്റൂമിലും കൊണ്ടുപോയി പീഡിപ്പിച്ചു. മാത്രമല്ല, നഗ്നചിത്രവും വിഡിയോയും എടുക്കുകയും അതു വച്ച് ഭാവി തകര്ക്കുമെന്ന് ഭീഷണിപ്പെടുത്തുകയും ചെയ്തു. മറ്റ് അഞ്ച് കുട്ടികളെയും ഇയാള് സമാനമായ രീതിയില് പീഡിപ്പിച്ചിട്ടുണ്ട്.
പ്രതിയുടെ ഓരോ കേസുകളിലെ ശിക്ഷാ കാലാവധി കഴിഞ്ഞതിനു ശേഷമേ മറ്റു ശിക്ഷകള് നടപ്പാക്കാവൂ എന്ന പ്രോസിക്യൂഷന്റെ വാദം കോടതി അംഗീകരിച്ചു. ആദ്യ കേസിലെ ശിക്ഷാ കാലാവധിക്ക് ശേഷമേ ഈ കേസിലെ ശിക്ഷ ആരംഭിക്കുകയുള്ളൂ.
