പത്തനംതിട്ട : കൈക്കൂലി കേസില്‍ ശിക്ഷിക്കപ്പെട്ടതോടെ ഒളിവില്‍ പോയ മുന്‍ വില്ലേജ് ഓഫീസര്‍ വര്‍ഷങ്ങള്‍ക്കുശേഷം പിടിയില്‍.
കോന്നി മുന്‍ വില്ലേജ് ഓഫീസറും പത്തനംതിട്ട മൈലപ്ര സ്വദേശിയുമായ രാജു കെ. എബ്രഹാമിനെ(66) യാണ് പോത്തന്‍കോട്ടുള്ള ബന്ധുവീട്ടില്‍ നിന്ന് പത്തനംതിട്ട വിജിലന്‍സ് സംഘം പിടികൂടിയത്. 2004-ല്‍ വസ്തു പോക്കുവരവിനായി എത്തിയയാളില്‍ നിന്ന് കൈക്കൂലി വാങ്ങുന്നതിനിടെയാണ് ഇയാള്‍ വിജിലന്‍സിന്‌റെ പിടിയിലാകുന്നത്.
കേസില്‍ വിജിലന്‍സ് കോടതി 2 വര്‍ഷം കഠിന തടവിന്
ശിക്ഷിക്കുകയായിരുന്നു. ഹൈക്കോടതിയും സുപ്രീം കോടതിയും അപ്പീല്‍ തള്ളിയതോടെ ഇയാള്‍ ഒളിവില്‍ പോവുകയായിരുന്നു.
