തിരുവനന്തപുരം: വീര്യം കുറഞ്ഞ മദ്യത്തിന് നികുതിയിളവു നല്കിയതില് അഴിമതിയുണ്ടെന്ന പ്രതിപക്ഷ നേതാവ് പിണറായി വിജയന്റെ ആരോപണങ്ങള് നിയമസഭാ രേഖകളില് നിന്ന് നീക്കണമെന്ന മുഖ്യമന്ത്രി വി.ഡി.സതീശന്റെ ആവശ്യം പരിഗണിക്കുമെന്ന് സ്പീക്കര് വ്യക്തമാക്കി. നോട്ടീസില് ഒരിടത്തും പരാമര്ശിക്കാത്ത വിഷയം സഭയില് ഉന്നയിച്ചത് ചട്ടവിരുദ്ധമാണ്. അതിനാല് സഭാ രേഖകളില് നിന്ന് പൂര്ണമായി നീക്കണമെന്നായിരുന്നു ഭരണപക്ഷത്തിന്റെ ആവശ്യം. പ്രതിപക്ഷ ആരോപണം ഒരു കാരണവശാലും രേഖയില് കാണരുതെന്ന് മുഖ്യമന്ത്രിയും ആവശ്യപ്പെട്ടു.
മുന്കൂട്ടി നോട്ടീസ് നല്കാതെയാണ് ബെക്കാര്ഡി മദ്യ നിര്മ്മാണ കമ്പനിയുമായി ബന്ധപ്പെട്ട് ഒരു ആരോപണം ഉന്നയിച്ചതെന്ന് മുഖ്യമന്ത്രി ചൂണ്ടിക്കാട്ടി. ആഭ്യന്തര മന്ത്രി രമേശ് ചെന്നിത്തലയും നിയമസഭാ ചട്ടങ്ങള് കാറ്റില്പ്പറത്തിക്കൊണ്ടാണെന്ന് വിഷയം അവതരിപ്പിച്ചതെന്ന് പറഞ്ഞു. തുടര്ന്ന് ആവശ്യമായ പരിശോധന നടത്താമെന്ന് സ്പീക്കര് തിരുവഞ്ചൂര് രാധാകൃഷ്ണന് ഉറപ്പുനല്കി.
