ന്യൂദല്‍ഹി: ജന്മഭൂമി മുന്‍ മുഖ്യപത്രാധിപര്‍ പി. നാരായണന്‍, ജസ്റ്റിസ് കെ.ടി. തോമസ് എന്നിവര്‍ക്കു പദ്മവിഭൂഷണ്‍ പുരസ്‌കാരം ഇന്ന് വൈകിട്ട് അഞ്ചിനു രാഷ്‌ട്രപതി ഭവനില്‍ രാഷ്‌ട്രപതി ദ്രൗപദി മുര്‍മു സമ്മാനിക്കും.
നടന്‍ ധര്‍മേന്ദ്ര (മരണാനന്തരം), ഡോ. എന്‍. രാജം എന്നിവര്‍ക്ക് മേയ് 25നു പദ്മവിഭൂഷണ്‍ സമ്മാനിച്ചിരുന്നു.
മുന്‍ മുഖ്യമന്ത്രി വി.എസ്. അച്യുതാനന്ദനും മരണാനന്തര ബഹുമതിയായി പദ്മവിഭൂഷണ്‍ പ്രഖ്യാപിച്ചിരുന്നു.
പദ്മവിഭൂഷണ്‍, പദ്മഭൂഷണ്‍, പദ്മശ്രീയടക്കം 65 പേര്‍ക്കാണ് രാഷ്‌ട്രപതി ഇന്ന് പുരസ്‌കാരങ്ങള്‍ സമ്മാനിക്കുക. നടന്‍ മമ്മൂട്ടി, എസ്എന്‍ഡിപി യോഗം ജനറല്‍ സെക്രട്ടറി വെള്ളാപ്പള്ളി നടേശന്‍ എന്നിവര്‍ പദ്മഭൂഷണും കലാമണ്ഡലം വിമല മേനോന്‍ പദ്മശ്രീയും രാഷ്‌ട്രപതിയില്‍ നിന്ന് ഏറ്റുവാങ്ങും.
