ന്യൂഡൽഹി : ആധുനിക പരശുരാമനായി രാഹുൽഗാന്ധിയെ അവതരിപ്പിച്ച് യൂത്ത് കോൺഗ്രസ് . രാഹുലിന്റെ 56-ാം ജന്മദിനത്തോടനുബന്ധിച്ച് ഒരു കൈയിൽ പരശുരാമന്റെ മഴുവും മറുകൈയിൽ ഇന്ത്യൻ ഭരണഘടനയും പിടിച്ചിരിക്കുന്ന രാഹുൽ ഗാന്ധിയുടെ ഫോട്ടോ വച്ച് പാലഭിഷേകവും നടത്തി . ഗംഗാ നദിയിൽ അദ്ദേഹത്തിന്റെ ഫോട്ടോയിൽ പാൽ ഒഴിക്കുന്നത് മുതൽ കേക്ക് മുറിക്കുന്നത് വരെയുള്ള ചടങ്ങുകൾ നടന്നു.
പരശുരാമൻ വേദങ്ങളുടെയും ആയുധങ്ങളുടെയും അധിപനായിട്ടാണ് കണക്കാക്കപ്പെടുന്നത്. അനീതിക്കെതിരായ ആക്രമണാത്മക നിലപാടിനും പരശുരാമൻ പേരുകേട്ടവനാണ്. രാഹുൽ പരശുരാമനെ പോലെ കരുത്തനാണെന്ന് കാട്ടാനുള്ള ശ്രമമാണ് കോൺഗ്രസിന്റേത് . നീതിക്കുവേണ്ടി ഭരണഘടനയിലൂടെ രാഹുൽ പോരാടുന്നതും അനീതിയെ കോടാലി ഉപയോഗിച്ച് നശിപ്പിക്കുന്നതുമാണ് ഈ ചിത്രത്തിന്റെ കേന്ദ്ര പ്രമേയമായി കോൺഗ്രസ് അവതരിപ്പിക്കുന്നത്.
