തിരുവനന്തപുരം: ആരോഗ്യവകുപ്പ് ഡയറക്ടറായിരുന്ന ഡോ.കെ ജെ റീനയെ സ്ഥലംമാറ്റിയ നടപടി സ്റ്റേ ചെയ്ത അഡ്മിനിസ്ട്രേറ്റിവ് ട്രൈബ്യൂണല് ഉത്തരവ് ചോദ്യം ചെയ്ത് സര്ക്കാര് ഹൈക്കോടതിയില് അപ്പീല് നല്കി.ഡോ റീനയെ സ്ഥലംമാറ്റിയുളള ഉത്തരവ് ഇന്നലെയാണ് അഡ്മിനിസ്ട്രേറ്റിവ് ട്രൈബ്യൂണല് സ്റ്റേ ചെയ്തത്.
അതിനിടെ, ഡിഎച്ച് എസ് സ്ഥാനത്ത് നിന്ന് നീക്കിയ നടപടി സ്റ്റേ ചെയ്ത ഉത്തരവുമായെത്തിയ ഡോ.കെ ജെ റീനയ്ക്ക്,കസേര ഒഴിഞ്ഞു നല്കാന് താല്ക്കാലിക ഡയറക്ടര് ഡോ.വി മീനാക്ഷി തയാറാകാത്തത് നാടകീയ രംഗങ്ങള്ക്കിടയാക്കി.ഇരുവരും ഓഫീസ് സമയം കഴിയുംവരെ ഡി എച്ച് എസ് ചേമ്പറില് മേശയ്ക്ക് അഭിമുഖമായി ഇരുന്നു.
സ്ഥലംമാറ്റം സംബന്ധിച്ച് സര്ക്കാര് പുറത്തിറക്കിയ ഉത്തരവ് തൃപ്തികരമല്ലെന്ന് കാട്ടിയാണ് കേരള അഡ്മിനിസ്ട്രേറ്റീവ് ട്രൈബ്യൂണല് ഡോ കെ ജെ റീനക്കെതിരായ നടപടി സ്റ്റേ ചെയ്തത്.മൂന്നുവര്ഷ കാലാവധി പൂര്ത്തിയാക്കിയത് കൊണ്ടുള്ള സ്വാഭാവിക നടപടിയെന്ന് സര്ക്കാര് വാദിച്ചെങ്കിലും അംഗീകരിച്ചില്ല.
ട്രൈബ്യൂണല് ഉത്തരവുമായി ഡോ റീന ജോലിയില് പ്രവേശിക്കാനെത്തിയപ്പോള്, താന് ഒഴിയേണ്ടതില്ലെന്ന് സര്ക്കാര് നിര്ദേശം ലഭിച്ചു എന്ന് പറഞ്ഞ് താത്കാലിക ചുമതലയുള്ള ഡോ വി മീനാക്ഷി കസേര ഒഴിഞ്ഞു നല്കാന് തയാറായില്ല.
തര്ക്കം മൂലം പകര്ച്ചവ്യാധി പ്രതിരോധങ്ങള് ചര്ച്ച ചെയ്യേണ്ട ഹൈപവര് കമ്മിറ്റിയുടെ യോഗവും ഇന്ന് നടന്നില്ല.
