തിരുവനന്തപുരം: ആരോഗ്യവകുപ്പ് ഡയറക്ടര് ഡോ റീനയെ സ്ഥലം മാറ്റിയ നടപടി സ്റ്റേ ചെയ്ത് അഡ്മിനിസ്ട്രേറ്റീവ് ട്രൈബ്യൂണല്. ഡോ. റീന നല്കിയ ഹര്ജിയിലാണ് നടപടി.
തന്നെ മാറ്റിയതിനെതിരെ നേരത്തേ തന്നെ ഡോ റീന പ്രതികരിച്ചിരുന്നു. മാനദണ്ഡങ്ങള്ക്ക് വിരുദ്ധമായാണ് സ്ഥലം മാറ്റമെന്ന് അവര് പറഞ്ഞു.സര്ക്കാരിനോട് ആലോചിക്കാതെ ഡയറക്ടര് തീരുമാനങ്ങളെടുത്തെന്നാണ് ആരോഗ്യമന്ത്രി കെ മുരളീധരന് കുറ്റപ്പെടുത്തിയത്.സിസ്റ്റത്തിനോട് സഹകരിക്കാത്തവരെയും തുരപ്പന് പണിയെടുക്കുന്നവരെയും മാറ്റുമെന്നും അദ്ദേഹം പറഞ്ഞു.
കാലാവധി അവസാനിച്ചെന്നും പകര്ച്ചവ്യാധി പടരുന്നതിനിടെ 15 ദിവസം അവധിയെടുത്തെന്നും ആരോപിച്ചാണ് ഡോ റീനയെ പുറത്താക്കിയത്.എന്നാല്, രണ്ടര ദിവസത്തെ അവധിമാത്രം ആവശ്യപ്പെട്ട് റീന അഡീഷണല് ചീഫ് സെക്രട്ടറിക്ക് അയച്ച കത്ത് പുറത്തുവന്നു.
ഡിഎച്ച്എസിനെ മാറ്റിയ നടപടി അഡ്മിനിസ്ട്രേറ്റീവ് ട്രൈബ്യൂണല് സ്റ്റേ ചെയ്തതില് നിയമവ്യവസ്ഥയ്ക്ക് ഡോ റീന നന്ദി അറിയിച്ചു.
