കോഴിക്കോട്: ഈ വർഷത്തെ പി.എം. ഭാസ്കരൻ മാസ്റ്റർ സാഹിത്യപുരസ്കാരം കവിയും പ്രഭാഷകനും ജൻമഭൂമി ഓൺലൈൻ എഡിറ്ററുമായ കാവാലം ശശികുമാറിന് ലഭിച്ചു. അദ്ദേഹത്തിന്റെ ‘നഗരവൃക്ഷത്തിലെ കുയിൽ’ എന്ന കവിതാസമാഹാരമാണ് പുരസ്കാരത്തിന് അർഹമായത്. ജൂൺ 29-ന് കോഴിക്കോട് ജില്ലയിലെ ഭൂമിവാതുക്കലിൽ സംഘടിപ്പിക്കുന്ന പി.എം. ഭാസ്കരൻ മാസ്റ്റർ സ്മൃതിസദസ്സിൽ പുരസ്കാരം സമർപ്പിക്കും.
ഓരോ സ്മൃതിസദസ്സും ഓരോ പുരസ്കാരവും വെറും അനുസ്മരണ ചടങ്ങുകൾ മാത്രമല്ല, മറിച്ച് ശക്തമായ പ്രഖ്യാപനങ്ങളാണെന്ന് സംഘാടകർ വ്യക്തമാക്കി. അക്രമങ്ങൾക്കെതിരെ അക്ഷരങ്ങളെ ജ്വലിപ്പിച്ച് പ്രതിരോധം തീർക്കുമെന്ന സന്ദേശമാണ് ഇത്തരം സദസ്സുകൾ മുന്നോട്ടുവയ്‌ക്കുന്നത്.
രാഷ്‌ട്രീയാന്ധതയുടെ പേരിൽ ഭിന്നസ്വരങ്ങളെ ഇല്ലാതാക്കാൻ ശ്രമിക്കുന്നവരുടെ മനസ്സിലെ ഇരുട്ടിനെ അക്ഷരാഗ്നിയാൽ ചെറുക്കുക എന്ന പ്രതിബദ്ധതയും സ്മൃതിസദസ്സിലൂടെ ഉയർത്തിക്കാട്ടുന്നതായും സംഘാടകർ അറിയിച്ചു.
