തിരുവനന്തപുരം: പകര്ച്ചവ്യാധി പ്രതിരോധവുമായി ബന്ധപ്പെട്ട് സംസ്ഥാനത്ത് മൂന്ന് ദിവസം പ്രത്യേക ശുചീകരണ പ്രവര്ത്തനങ്ങള് നടത്താന് ആരോഗ്യ വകുപ്പ് തീരുമാനിച്ചു. വെള്ളി, ശനി, ഞായര് ദിവസങ്ങളിലാണ് ഡ്രൈ ഡേ ആചരിക്കുക. വെള്ളിയാഴ്ച സ്കൂളുകളിലും ശനിയാഴ്ച സര്ക്കാര്, സ്വകാര്യ ഓഫീസുകളിലും ഞായറാഴ്ച വീടുകളിലുമാണ് ശുചീകരണം നടത്താന് നിര്ദേശിച്ചിരിക്കുന്നത്. മഴക്കാല പൂര്വശുചീകരണത്തില് കണ്ടെത്തിയ പോരായ്മകള് പരിഹരിക്കുന്നതിനും കൊതുക് ജന്യരോഗങ്ങളുടെ വ്യാപനം തടയുന്നതിനുമാണ് നടപടി.
സംസ്ഥാനത്ത് ഡെങ്കിപ്പനി ഉള്പ്പെടെയുള്ള പകര്ച്ചവ്യാധികള് വ്യാപിക്കാനുള്ള സാധ്യത കണക്കിലെടുത്ത് പ്രതിരോധ പ്രവര്ത്തനങ്ങള് കൂടുതല് ശക്തമാക്കണമെന്ന് ആരോഗ്യമന്ത്രി കെ. മുരളീധരന് ജില്ലാ മെഡിക്കല് ഓഫീസര്മാരുടെ യോഗത്തില് നിര്ദേശിച്ചു.
