കൊച്ചി: ഒരു തസ്തികയിലേക്കുള്ള അപേക്ഷകന്റെ യോഗ്യത പൊലീസിന് തീരുമാനിക്കാന് കഴിയില്ലെന്ന് ഹൈക്കോടതി വ്യക്തമാക്കി. മോട്ടോര് വാഹന അപകട കേസ് നിലനില്ക്കുന്നതിന്റെ പേരില് ജോലിക്കുള്ള ‘നിയമനത്തിന് യോഗ്യനല്ലെ’ന്ന് ചൂണ്ടിക്കാട്ടി നല്കിയ പ്രതികൂല പൊലീസ്
വെരിഫിക്കേഷന് റിപ്പോര്ട്ട് റദ്ദാക്കിക്കൊണ്ടാണ് ജസ്റ്റിസ് ബെച്ചു കുര്യന് തോമസിന്റെ നിരീക്ഷണം. വെരിഫിക്കേഷന് റിപ്പോര്ട്ടില് ഒരു അപേക്ഷകന്റെ ക്രിമിനല് പശ്ചാത്തലം മാത്രമേ അടങ്ങിയിരിക്കാവൂ.
2011-ലെ കേരള പൊലീസ് ആക്ടിലെ സെക്ഷന് 53 പ്രകാരം, പൊലീസിന്റെ ജോലി ഉദ്യോഗാര്ത്ഥിയുടെ ജോലിക്കുള്ള അനുയോജ്യത നിശ്ചയിക്കലല്ലെന്നും വ്യക്തിയുടെ സ്വഭാവവും ക്രിമിനല് പശ്ചാത്തലവും റിപ്പോര്ട്ട് ചെയ്യുക മാത്രമാണെന്നും കോടതി നിരീക്ഷിച്ചു. വാഹനം ഓടിക്കുന്ന ജോലിക്കല്ല അപേക്ഷിക്കുന്നതെങ്കില് ഒരു സാധാരണ റോഡ് അപകടത്തില് ഉള്പ്പെട്ടിട്ടുണ്ടെന്നതിന്റെ പേരില് ഒരു വ്യക്തിയെ പൊതുവായ ജോലിയില് അയോഗ്യനാക്കാന് കഴിയില്ല. അപേക്ഷകന്റെ യോഗ്യത നിശ്ചയിക്കുന്നത് തൊഴിലുടമയുടെ പ്രത്യേകാവകാശമാണെന്ന് കോടതി പറഞ്ഞു.
പൊലീസ് വെരിഫിക്കേഷന് റിപ്പോര്ട്ട് അതിരുകടക്കേണ്ടെന്ന് ഹൈക്കോടതി, നിയമന യോഗ്യത നിശ്ചയിക്കേണ്ടത് പൊലീസല്ല
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.