ടെഹ്റാന്: മാസങ്ങളായുള്ള ഇറാന് യുഎസ് യുദ്ധത്തിന് തിരശ്ശീല വീഴുമെന്ന ആശ്വാസത്തില് പ്രതീക്ഷയോടെ കഴിയുകയാണ് ഗള്ഫിലെ ഇന്ത്യക്കാര്. കാരണം കഴിഞ്ഞ നാളുകള് ജീവിതത്തിനും മരണത്തിനും ഇടയിലുള്ള നൂല്പ്പാലത്തിലൂടെയാണ് ഇവര് കടന്നുപൊയ്ക്കൊണ്ടിരുന്നത്. ഇപ്പോഴിതാ ട്രംപ് തന്നെ നേരിട്ട് ഞായറാഴ്ച സമാധാനം ഉണ്ടാകുമെന്ന് പ്രഖ്യാപിച്ചിരിക്കുകയാണ്.
ഇതോടെ ഹോര്മുസ് കടലിടുക്ക് എന്നെന്നേയ്ക്കുമായി പൂര്ണ്ണായി തുറക്കുമെന്നും ട്രംപ് അവകാശപ്പെടുന്നു. തന്റെ കരാര് പണ്ട ബരാക് ഒബാമ ഇറാനുമായുണ്ടാക്കിയ കരാര് പോലെയല്ലെന്നും അതിന് നേരെ കടകവിരുദ്ധമായ ഒരു കരാറായിരിക്കുമെന്നും ട്രംപ് പറഞ്ഞു.
ബരാക് ഒബാമയുടെ കരാര് ഇറാന് ആണവായുധങ്ങള് ഉണ്ടാക്കാന് അനുവദിക്കുന്നതായിരുന്നെങ്കില് തന്റെ കരാര് ഇറാന്റെ ആണവായുധസ്വപ്നങ്ങള്ക്ക് നേരെ മതിലുകെട്ടുന്ന ഒന്നായിരിക്കുമെന്നും ട്രംപ് പറഞ്ഞു.
