വാഷിംഗ്ടണ്‍: യുദ്ധം അവസാനിപ്പിക്കുന്നതിനുള്ള കരാര്‍ എക്കാലത്തേക്കാളും അടുത്താണെന്ന് ഇരുപക്ഷവും പറഞ്ഞതിന് മണിക്കൂറുകള്‍ക്ക് ശേഷവും, ഹോര്‍മുസ് കടലിടുക്കില്‍ വാണിജ്യ കപ്പലുകളെ ലക്ഷ്യമിട്ട നിരവധി ഇറാനിയന്‍ ഡ്രോണുകള്‍ വെടിവച്ചിട്ടതായി അമേരിക്ക അറിയിച്ചു .
അതേസമയം യുഎസ്-ഇറാന് കരാര്‍ ജൂണ്‍ 14 ന് ഒപ്പുവെക്കുമെന്ന് ട്രംപ് പറയുന്നുമുണ്ട്. ടെഹ്റാന്‍ ആണവായുധം വികസിപ്പിക്കുന്നതില്‍ നിന്ന് ഈ കരാര്‍ ശാശ്വതമായി തടയുമെന്ന് അദ്ദേഹം അവകാശപ്പെട്ടു.
ഈ കരാര്‍ പ്രകാരം ഇറാന് യുഎസ് ഫണ്ടുകള്‍ നല്‍കില്ലെന്നും അദ്ദേഹം വ്യക്തമാക്കി.
അതേസമയം യുഎസും ഇറാനും തമ്മിലുള്ള യുദ്ധം അവസാനിപ്പിക്കുന്നതിനുള്ള പ്രാഥമിക കരാര്‍ അടുത്ത 24 മണിക്കൂറിനുള്ളില്‍ അന്തിമമാക്കുമെന്ന് പാകിസ്ഥാന്‍ പ്രധാനമന്ത്രി ഷെഹ്ബാസ് ഷെരീഫ് എക്സിലെ ഒരു പോസ്റ്റില്‍ പറഞ്ഞു.
ഇറാന് വിദേശകാര്യ മന്ത്രാലയം ഇക്കാര്യം നിഷേധിച്ചിട്ടില്ല. ‘വരും ദിവസങ്ങളില്‍ കരാര്‍ ഒപ്പിടുന്നത് തള്ളിക്കളയാനാവില്ല’ എന്നാണ് അവര്‍ പറഞ്ഞത്. തീയതി നിശ്ചയിച്ചിട്ടില്ലെന്നും അവര്‍ പറഞ്ഞു.
‘നമ്മള്‍ മുമ്പെന്നത്തേക്കാളും ഒരു സമാധാന കരാറിലേക്ക് അടുത്തിരിക്കുന്നു. അടുത്ത 24 മണിക്കൂറിനുള്ളില്‍ അന്തിമ തീരുമാനം പ്രതീക്ഷിക്കുന്നതിനാല്‍, ഉടന്‍ തന്നെ സമാധാന കരാറിന്റെ ഇലക്ട്രോണിക് ഒപ്പിടലിനായി പാകിസ്ഥാന്‍ തയ്യാറെടുക്കുകയാണ്’ ഷെരീഫ് പറഞ്ഞു.
