ന്യൂയോര്ക്ക്: ബ്രസീലിയന് വാണ്ടര്കിഡ് എസ്താവോയും റയല് മാഡ്രിഡ് പരിശീലകന് കാര്ലോ ആഞ്ചലോട്ടിയും തമ്മിലുള്ള രസകരമായ സൗഹൃദ സംഭാഷണമാണ് ഇപ്പോള് കായികലോകത്ത് ചര്ച്ചയാകുന്നത്. ബ്രസീലില് വച്ച് തന്റെ ഡ്രൈവിങ് ലൈസന്സ് വാങ്ങാന് അനുവാദം ചോദിച്ചതിനെ തുടര്ന്നുണ്ടായ കാര്യങ്ങള് താരം പങ്കുവയ്ക്കുകയാണ്.
എസ്താവോയുടെ വാക്കുകള് ഇങ്ങനെ,
‘ഞങ്ങള് ദേശീയ ടീമിനൊപ്പം സാവോപോളോയില് ഉള്ള സമയമായിരുന്നു അത്. ബ്രസീലില് വച്ചുതന്നെ എനിക്ക് ലൈസന്സ് എടുക്കണമായിരുന്നു, ലൈസന്സ് ടെസ്റ്റിനു പോകാന് എന്നെ അനുവദിക്കുമോ എന്ന് ആഞ്ചലോട്ടിയോട് ചോദിക്കുകയും പിന്നീട് അദ്ദേഹം അതിന് സമ്മതിച്ച് ഞാന് ടെസ്റ്റിനു പോയി. തിരികെയെത്തിയപ്പോള് ഞാന് പാസായോ എന്നറിയാന് അദ്ദേഹം എന്നെ കാത്തു നില്ക്കുന്നുണ്ടായിരുന്നു. വന്നയുടനെ ആശാന്റെ ചോദ്യം; കടന്നുകൂടിയോ? ചെറിയ നിശബ്ദതയ്ക്കു ശേഷം ഞാന്; അടിച്ചാശാനേ..!
ഉച്ചഭക്ഷണം കഴിക്കുന്നതിനിടെ അദ്ദേഹം സഹതാരങ്ങളോട് ഈ വിവരം പങ്കുവയ്ക്കുകയും ചെയ്തു. കളിക്കാരെ സ്വന്തം മക്കളെ പോലെ കാണുന്ന സമീപനത്തിന്റെ ഉദാഹരണമാണിത്. ചെറുപ്പക്കാരനായ ഒരു കളിക്കാരന്റെ വ്യക്തപരമായ ചെറിയ കാര്യത്തിന് പോലും കോച്ച് നല്കിയ പരിഗണനയാണ് ആരാധകരുടെ കൈയടി നേടുന്നത്.
