ന്യൂദല്ഹി: 22 പേരുടെ മരണത്തിനിടയാക്കിയ സൗത്ത് ദല്ഹിയിലെ ഹോട്ടല് തീപ്പിടിത്ത
ത്തിലെ മുഖ്യപ്രതി ജയ് മിശ്ര കോടതിയില് കീഴടങ്ങി.
ഹോട്ടല് ഉടമ ലവ്കേഷ് ബജാജിന്റെ പ്രധാന സഹായിയായ മിശ്ര ഒളിവിലായിരുന്നു. ഉത്തര്പ്രദേശിലും ബിഹാറിലും അടക്കം പോലീസ് സംഘങ്ങള് ഇയാള്ക്കായി തെരച്ചില് ഊര്ജിതമാക്കിയതോടെയാണ് കീഴടങ്ങല്. ഹോട്ടലില് സുരക്ഷാ ഉപകരണം സ്ഥാപിക്കാത്തതുമായി ബന്ധപ്പെട്ടാണ് ഇയാള്ക്കെതിരെ കേസെടുത്തിരുന്നത്.
ജൂണ് 4 ന് മാല്വിയ നഗറിലെ ഹൗസ് റാണി പ്രദേശത്തെ ഫ്ളൂറിഷ് സ്റ്റേയ്സ് ബെഡ് ആന്ഡ് ബ്രേക്ക്ഫാസ്റ്റില് ഉണ്ടായ തീപ്പിടിത്തം മുതല് മിശ്ര അന്വേഷണ നിരീക്ഷണത്തിലായിരുന്നു. ഹോട്ടലിന്റെ ദൈനംദിന പ്രവര്ത്തനങ്ങളുടെ ഉത്തരവാദിത്വം ഇയാള്ക്കായിരുന്നു.
