കൊച്ചി: ബന്ധു നിയമന വിവാദത്തില് പെട്ട മന്ത്രി സണ്ണി ജോസഫിനെതിരെ കൂടുതല് ആരോപണങ്ങള് ഉയരുന്നു. പേഴ്സണല് സ്റ്റാഫില് അളിയനു ജോലി കൊടുത്തതിനെ ന്യായീകരിക്കാന് ശ്രമിച്ച് കുഴങ്ങുന്നതിനിടെയാണ് കൂടുതല് ആരോപണങ്ങള് പുറത്തുവരുന്നത്. കോണ്ഗ്രസ് മന്ത്രിസഭയുടെ മധുവിധു കാലത്തു തന്നെ കെപിസിസി പ്രസിഡണ്ടുകൂടിയായ മന്ത്രിക്കെതിരെ ഉയരുന്ന ആരോപണങ്ങള് കോണ്ഗ്രസ് നേതൃത്വത്തെയും മുഖ്യമന്ത്രി സതീശനെയും വെട്ടിലാക്കി.
സണ്ണി ജോസഫിന്റെ സഹോദരന്മാര്ക്കും സഹോദരിമാര്ക്കും അടക്കം ഏറ്റവും അടുത്ത ബന്ധുക്കളായ ഒട്ടേറെ പേര്ക്ക് വിവിധ കാലയളവുകളില് വിവിധ സ്ഥാപനങ്ങളില് അനധികൃത നിയമനം നല്കിയെന്ന ആരോപണമാണ് ഉയരുന്നത്്. കൂടുതലും സഹകരണ ബാങ്കുകളിലാണ് നിയമനം. കഴിഞ്ഞ യുഡിഎഫ് ഭരണകാലത്ത് സ്വന്തം ഡ്രൈവറെ മന്ത്രി കെ സി ജോസഫിന്റെ സ്റ്റാഫ്ലിസ്റ്റില് പെടുത്തി സര്ക്കാരില് നിന്ന് ശമ്പളം വാങ്ങി നല്കിയെന്നു വരെ ആരോപണം ഉയര്ന്നിട്ടുണ്ട്.
