കൊച്ചി: ആര്ടി ഓഫീസുകളില് പൊതുജനങ്ങള്ക്ക് നേരിട്ടുള്ള സേവനം ഇനി മുതല് രാവിലെ 10 മുതല് ഒരു മണി വരെ മാത്രം. ഇത് സംബന്ധിച്ച ഗതാഗത കമ്മീഷണര് പുറത്തിറക്കിയ സര്ക്കുലര് ചോദ്യം ചെയ്തുള്ള പൊതു താല്പര്യ ഹര്ജി ഹൈക്കോടതി തള്ളിയതോടെയാണിത്. തങ്ങളുടെ ഓഫീസുമായി ബന്ധപ്പെട്ട പ്രവര്ത്തനങ്ങള് ഓണ്ലൈനിലാണ് നടക്കുന്നതെന്ന മോട്ടോര് വാഹന വകുപ്പിന്റെ വാദം അംഗീകരിച്ചാണ് കോടതി ഹര്ജി തള്ളിയത്. ഓഫീസുകളുടെ കാര്യക്ഷമായ പ്രവര്ത്തനവും ഭരണനിര്വഹണവും ഉറപ്പാക്കുന്ന നടപടിയാണ് സമയ ക്രമീകരണമെന്ന് കോടതി നിരീക്ഷിച്ചു. സമയ ക്രമീകരണത്തില് നിയമവിരുദ്ധയില്ല.
ആധാര് അധിഷ്ഠിതമായ സേവനങ്ങള് തിരഞ്ഞെടുത്താല് പൊതുജനങ്ങള് നേരിട്ട് ഓഫീസില് എത്തേണ്ടതില്ലെന്ന് ട്രാന്സ്പോര്ട്ട് കമ്മീഷണര് അറിയിച്ചു. അതേസമയം സമയം വെട്ടിക്കുറച്ച നടപടി അനധികൃത ഏജന്റുമാരെ പ്രോല്സാഹിപ്പിക്കുമെന്ന് ആക്ഷേപമുണ്ട്.
