ജാതകപ്രകാരമുള്ള ദോഷസമയങ്ങളിൽ പ്രധാനമാണ് ശനിദശ. ജനിക്കുന്ന സമയവും , രാശിയും കണക്കാക്കി ഓരോ വ്യക്തിയുടെ ജീവിതത്തിലും ദോഷ സമയങ്ങൾ ഉണ്ടാകുന്നു. ശനിയുടെ കാലത്ത് ദോഷങ്ങൾ കുറയ്ക്കായി ചെയ്യുന്ന പ്രധാന വഴിപാടാണ് എള്ളു തിരി കത്തിക്കൽ. തുടർച്ചയായി 21 ശനിയാഴ്ച്ച എള്ള് വിളക്ക് തെളിയിക്കുന്നത് ശനി ബാധിച്ച കാലത്ത് പോലും സമൃദ്ധി നൽകുമെന്നാണ് വിശ്വാസം.വീട്ടിൽ എള്ളുതിരി കത്തിച്ചു പ്രാർഥിക്കുന്നതും ഗുണകരമാണ്
വെളുത്ത കോട്ടൺ തുണിയിൽ എള്ള് വച്ച ശേഷം നാല് മൂലകളും ചേർത്ത് കെട്ടിവച്ച ശേഷമാണ് എള്ളുതിരി കത്തിക്കാൻ എടുക്കുക. ഇത് മൺ ചിരാതിൽ വച്ച് നല്ലെണ്ണ ഒഴിച്ചാണ് കത്തിക്കുന്നത്.ശനിയാഴ്ച്ചകളിൽ സന്ധ്യാദീപം കൊളുത്തി പ്രാർത്ഥിക്കുന്നതിന് ഒപ്പം എള്ള് വിളക്കും തെളിയിക്കാം. കറുപ്പ് , നീല വസ്ത്രങ്ങൾ ധരിച്ച് എള്ള് വിളക്ക് തെളിയിക്കുന്നതാണ് ഉചിതം. ശനിഗായത്രി മന്ത്രം ചൊല്ലുന്നതും മികച്ച ഫലം നൽകും.
ശനി ഗായത്രി മന്ത്രം
കാകദ്ധ്വജായ വിദ്മഹേ
ഖഡ്ഗഹസ്തായ ധീമഹീ
തന്നോ മന്ദ പ്രചോദയാത്
