ജെബ്ചിറ്റ് : ലെബനനില്‍ ഇസ്രായേല്‍ നടത്തിയ ഡ്രോണ്‍ ആക്രമണങ്ങളില്‍ ദന്തഡോക്ടറും രണ്ടുമക്കളുമടക്കം എട്ട് പേര്‍ കൊല്ലപ്പെട്ടു. മറ്റൊരു ഡ്രോണ്‍ ആക്രമണത്തില്‍ ജെബ്ചിറ്റ് നഗരത്തില്‍ പ്ലാന്റ് നഴ്‌സറിയില്‍ ജോലി ചെയ്തിരുന്ന രണ്ട് സിറിയന്‍ തൊഴിലാളികള്‍ കൊല്ലപ്പെട്ടു. ടൗളിലുണ്ടായ ആക്രമണത്തില്‍ രണ്ട് പേര്‍ കൂടി കൊല്ലപ്പെട്ടതായി ഏജന്‍സി അറിയിച്ചു.
ഹാറൂഫ്-ടൗള്‍ റൗണ്ട്എബൗട്ടില്‍ ഒരു ഇസ്രായേലി ഡ്രോണ്‍ ഒരു കാറില്‍ ഇടിച്ചു, ഡ്രൈവര്‍ കൊല്ലപ്പെട്ടു.
ടയര്‍ ജില്ലയില്‍ ഇസ്രായേല്‍ വിമാനങ്ങള്‍ വ്യോമാക്രമണം നടത്തി, അതേ സമയം പ്രദേശത്ത് ഷെല്ലാക്രമണവും നടന്നു.
പരസ്പരം ആക്രമണങ്ങള്‍ നിര്‍ത്താന്‍ ഇസ്രായേലും ഹിസ്ബുള്ളയും സമ്മതിച്ചതായി തിങ്കളാഴ്ച യുഎസ് പ്രസിഡന്റ് ഡൊണാള്‍ഡ് ട്രംപ് പറഞ്ഞതിന് പിന്നാലെയാണ് പുതിയ ആക്രമണം ഉണ്ടായത്.
ഇരുവിഭാഗങ്ങളുമായും ഇടനിലക്കാര്‍ വഴി ബന്ധപ്പെട്ടിരുന്നതായും ‘എല്ലാ വെടിവയ്‌പ്പുകളും നിര്‍ത്തുമെന്ന്’ ഉറപ്പ് ലഭിച്ചതായും ട്രംപ് പറഞ്ഞു.
ഏപ്രില്‍ 17 ന് പ്രാബല്യത്തില്‍ വന്ന വെടിനിര്‍ത്തല്‍, പിന്നീട് യുഎസ് മധ്യസ്ഥതയിലുള്ള പരോക്ഷ ചര്‍ച്ചകളെത്തുടര്‍ന്ന് 45 ദിവസത്തേക്ക് കൂടി നീട്ടിയിട്ടും, ഇസ്രായേല്‍ ലെബനനെതിരെയുള്ള ആക്രമണം തുടരുകയാണ്.
ലെബനന്‍ ആരോഗ്യ മന്ത്രാലയത്തിന്റെ കണക്കനുസരിച്ച് മാര്‍ച്ച് 2 മുതല്‍ ആക്രമണങ്ങളില്‍ 3,400 ല്‍ അധികം ആളുകള്‍ കൊല്ലപ്പെട്ടു.
