മലപ്പുറം: മുന് എംഎല്എ കെടി ജലീല് സിപിഎം അംഗമാകുന്നു. പാര്ട്ടിയില് സജീവമാകാനുള്ള തീരുമാനത്തിന് പിന്നാലെയാണ് അംഗത്വമെടുക്കാന് ജില്ലാ നേതൃത്വത്തെ താല്പര്യമറിയിച്ചത്.
നാല് തവണ സ്വതന്ത്ര എംഎല്എ ആയിരുന്നു ജലീല്. ചുവപ്പിനെ പ്രണയിച്ച് പൊതുരംഗത്ത് ശക്തമായി തുടരുമെന്ന് നേരത്തെ കെ ടി ജലീല് ഫേസ്ബുക്ക് പോസ്റ്റിട്ടിരുന്നു. ചെങ്കൊടി വിട്ട് തനിക്ക് ഇനിയൊരു രാഷ്ട്രീയമില്ലെന്നും പറഞ്ഞിരുന്നു.
ഒന്നാം പിണറായി മന്ത്രിസഭയില് ഉന്നത വിദ്യാഭ്യാസം, ന്യൂനപക്ഷക്ഷേമം, ഹജ്ജ്, വഖഫ് എന്നീ വകുപ്പുകളുടെ ചുമതല വഹിച്ചിരുന്നു. എന്നാല് ബന്ധു നിയമന വിവാദത്തില് മന്ത്രി സ്ഥാനത്ത് തുടരാന് അര്ഹതയില്ലെന്ന ലോകായുക്ത ഉത്തരവിന്റെ പശ്ചാത്തലത്തില് മന്ത്രിസ്ഥാനത്ത് നിന്ന് രാജിവച്ചു.
മുസ്ലിം യൂത്ത് ലീഗ് സംസ്ഥാന ജനറല് സെക്രട്ടറിയായിരിക്കെ പാര്ട്ടി നേതൃത്വവുമായി അഭിപ്രായ വ്യത്യാസമുണ്ടായി പുറത്തു പോയ ആളാണ് കെടി ജലീല്.തുടര്ന്ന് നിയമസഭാ തിരഞ്ഞെടുപ്പില് കുറ്റിപ്പുറത്ത് പി കെ കുഞ്ഞാലിക്കുട്ടിക്കെതിരെ എല് ഡി എഫ് പിന്തുണയോടെ മത്സരിച്ച് ജയിച്ചു.പിന്നീട് 2011ലും 2021ലും തവനൂര് മണ്ഡലത്തില് നിന്ന് വീണ്ടും നിയമസഭാംഗമായി . ഇത്തവണ മത്സരിച്ചെങ്കിലും യുഡിഎഫ് സ്ഥാനാര്ഥിയായ വി.എസ് ജോയിയോട് പരാജയപ്പെട്ടു.
