തിരുവനന്തപുരം: മുന് മുഖ്യമന്ത്രി പിണറായി വിജയനെതിരെ വിമാനത്തില് യൂത്ത് കോണ്ഗ്രസ് പ്രവര്ത്തകരുടെ പ്രതിഷേധത്തിലെ പൊലീസ് റിപ്പോര്ട്ട് കോടതി അംഗീകരിച്ചു.പ്രതികള്ക്കെതിരെ ചുമത്തിയ വ്യോമയാന വകുപ്പ് ഒഴിവാക്കിയുള്ള റിപ്പോര്ട്ടാണ് തിരുവനന്തപുരം ജില്ലാ പ്രിന്സിപ്പല് സെഷന്സ് കോടതി അംഗീകരിച്ചത്. യുഡിഎഫ് സര്ക്കാര് അധികാരത്തില് എത്തിയപ്പോഴാണ് ഈ വകുപ്പ് ഒഴിവാക്കിയത്.
2022 ജൂണ് 13നായിരുന്നു കണ്ണൂരില് നിന്നും തിരുവനന്തപുരത്തിറങ്ങിയ ഇന്ഡിഗോ 6 ഇ- 7407 വിമാനത്തിനുളളില് വച്ച് മൂന്ന് യൂത്ത് കോണ്ഗ്രസ് പ്രവര്ത്തകര് മുഖ്യമന്ത്രിയെ വധിക്കാന് ശ്രമിച്ചെന്നാണ് കേസ്.ഫര്സീന് മജീദ്, ആര് കെ നവീന്കുമാര്, സുനിത് നാരായണന് എന്നിവര്ക്കെതിരെയാണ് കേസെടുത്തത്. ഗൂഡാലോചനയില് അന്നത്തെ യൂത്ത് കോണ്ഗ്രസ് വൈസ് പ്രസിഡന്റ് കെ എസ് ശബരിനാഥനെയും പ്രതിചേര്ത്തു.യൂത്ത് കോണ്ഗ്രസുകാരുടെ വാട്സ്ആപ്പ് ഗ്രൂപ്പില് വിമാനത്തിലെ പ്രതിഷേധം ആഹ്വാനം ചെയ്തുവെന്നായിരുന്നു കുറ്റം. മുഖ്യമന്ത്രിയെ വധിക്കുമെന്ന് ഭീഷണിപ്പെടുത്തിയാണ് പ്രവര്ത്തര് പാഞ്ഞടുത്തെന്നാണ് പൊലീസ് റിപ്പോര്ട്ട്. വധശ്രമത്തിന് പുറമേ വ്യോമയാന നിയമത്തിലെ വകുപ്പും ചുമത്തി.
വ്യോമയാന വകുപ്പ് ചുമത്തി പ്രോസിക്യൂഷന് അനുമതിക്ക് ഇടത് ഭരണകാലത്ത് പൊലീസ് ശ്രമിച്ചെങ്കിലും കേന്ദ്രം അനുവദിച്ചില്ല. അതേസമയം, പ്രതികളായ ഫര്സീന് മജീദ്, ആര് കെ നവീന് കുമാര്, സുനിത് നാരായണന്, ശബരിനാഥന് എന്നിവര്ക്കെതിരെ വധശ്രമം, ഗൂഢാലോചന എന്നിവ നിലനില്ക്കും. ഇപി ജയരാജനും മുഖ്യമന്ത്രിയുടെ സുരക്ഷ ഉദ്യോഗസ്ഥരും മര്ദ്ദിച്ചതില് കേസെടുക്കണമെന്ന പ്രതികളുടെ സ്വകാര്യ അന്യായം കോടതിയുടെ പരിഗണനയിലാണ്.
