മുംബൈ:കഴിഞ്ഞ ഏതാനും മാസങ്ങളായി നഷ്ടത്തിലേക്ക് കൂപ്പുകുത്തുകയാണ് എച്ച് ഡിഎഫ് സി ഓഹരികള്. ഇതിന് പിന്നില് ബാങ്കിനുള്ളില് നടന്ന ഒരു വലിയ തിരിമറിയാണ്. ഇപ്പോള് ബാങ്ക് സിഇഒ ശശിധര് ജഗദീശനും ഇതില് പങ്കുണ്ടെന്ന് ആഭ്യന്തര അന്വേഷണത്തില് തെളിഞ്ഞു എന്ന വാര്ത്ത പുറത്തുവന്നതോടെ വന്തോതിലാണ് വിദേശനിക്ഷേപകസ്ഥാപനങ്ങള് എച്ച് ഡിഎഫ് സി ഓഹരികള് വിറ്റഴിക്കുന്നത്.
ഒരു സര്ക്കാര് കോര്പറേഷനില് നിന്നുള്ള വലിയ നിക്ഷേപത്തിന് മാര്ക്കറ്റിംഗ് ചെലവ് എന്നെഴുതി അധികപലിശ നല്കി എന്ന ആരോപണം എച്ച്ഡിഎഫ്സി ബാങ്ക് ഓഹരിയെ 2.6 ശതമാനം ഇടിവിലാക്കി. മുന് ചെയര്മാന് അതനു ചക്രവര്ത്തിയുടെ രാജിക്കു തൊട്ടു മുന്പാണ് വിവാദതുക നല്കിയത്.
ചക്രവര്ത്തിയുടെ വിമര്ശനത്തെ തുടര്ന്ന് ഇതേപ്പറ്റി ആഭ്യന്തര അന്വേഷണം നടന്നു. ബാങ്ക് സിഇഒ ശശിധര് ജഗദീശന് ഇടപാടില് പങ്കുണ്ടെന്നാണ് റിപ്പോര്ട്ട്. ജഗദീശന്റെ കാലാവധി ഒക്ടോബറില് തീരും. കാലാവധി നീട്ടുന്ന കാര്യം ചര്ച്ചയാകുന്ന സമയമാണിത്.
ജന്മഭൂമി ഓണ്ലൈന്