തിരുവനന്തപുരം:: സ്കൂള് വിദ്യാർത്ഥിനികള്ക്ക് 3 ദിവസത്തെ ആർത്തവ അവധി നല്കുമെന്ന യുഡിഎഫ് നയപ്രഖ്യാപനം കോണ്ഗ്രസുകാര് കൊട്ടിഘോഷിക്കുമ്പോള് അതിനെതിരെ വിമര്ശനവുമായി സന്തോഷ് പണ്ഡിറ്റ്. കുട്ടികള്ക്ക് മൂന്ന് ദിവസത്തെ ആര്ത്തവ ലീവ് നല്കുമ്പോള് അധ്യാപികമാരോ മറന്നോ എന്നും അവരോട് എന്താണ് ചിറ്റമ്മ നയമെന്നും മുഖ്യമന്ത്രി സതീശനോട് ചോദിക്കുകയാണ് സന്തോഷ് പണ്ഡിറ്റ് തന്റെ ഫെയ്സ് ബുക്ക് പോസ്റ്റില്.
യുഡിഎഫ് സർക്കാരിന്റെ പ്രഖ്യാപനം മികച്ചതാണെന്ന് പറഞ്ഞ സന്തോഷ് പണ്ഡിറ്റ്, സ്ത്രീകളായ ടീച്ചർമാർക്കും അവധി കൊടുക്കേണ്ടേയെന്നും അവരോട് ഒരു ചിറ്റമ്മ നയം എന്താണെന്നും തന്റെ ഫെയ്സ്ബുക്ക് പോസ്റ്റില് ചോദിക്കുന്നു.
സന്തോഷ് പണ്ഡിറ്റിന്റെ പോസ്റ്റ് വായിക്കാം
സ്കൂള് വിദ്യാർത്ഥിനികള്ക്ക് ഓരോ മാസവും 3 ദിവസത്തെ ആർത്തവ അവധി നല്കുവാനുള്ള യുഡിഎഫ് സർക്കാരിന്റെ പ്രഖ്യാപനം മികച്ചതാണ്. ഈ കാലയളവില് പല സ്ത്രീകളും കടുത്ത വേദനയിലൂടെ കടന്നു പോകുന്നു എന്നത് സത്യമാണ്. (എല്ലാ കെഎസ്ആര്ടിസി ബസ്സിലും സ്ത്രീകള്ക്ക് സൗജന്യ യാത്ര, കൂടുതല് പെൻഷൻ എന്നിവ പോലെയല്ല ഈ തീരുമാനം . സർക്കാരിന് പുതുതായി ഒരു 5 പൈസയുടെ ചിലവും ഇല്ലാത്ത പദ്ധതി ആയതിനാല് ഈ മൂന്ന് ദിവസം അവധി മാത്രം ഉടൻ നടപ്പിലാക്കും)
എന്റെ സംശയങ്ങള്…
1)അങ്ങനെയെങ്കില് പെണ്കുട്ടികളെ പഠിപ്പിക്കുന്ന സ്ത്രീകളായ ടീച്ചർമാർക്കും അവധി കൊടുക്കേണ്ടേ,?ടീച്ചറും പെണ്ണല്ലേ? അതെന്താ അവരോട് ഒരു ചിറ്റമ്മ നയം? അതെന്താ സർക്കാർ അവർക്കു 3 ദിന അധിക അവധി മാസത്തില് കൊടുക്കാത്തത്?
2) മറ്റു സർക്കാർ ജോലികളും, പ്രൈവറ്റ് ജോലിയും ചെയ്യുന്ന സ്ത്രീകള്ക്കും ആർത്തവം എല്ലാ മാസവും സംഭവിക്കുന്നുണ്ട് എന്നു സർക്കാർ മനസ്സില് ആക്കണം. അതിനാല് തൊഴിലുറപ്പ് അടക്കം ജോലി ചെയ്യുന്ന മുഴുവൻ സ്ത്രീകള്ക്കും ശമ്പളത്തോടെ 3 ദിവസത്തെ ഈ അവധി കൊടുക്കണം. (വിദ്യാർത്ഥികള്ക്ക് മാത്രമല്ല ആർത്തവം ഉണ്ടാകുന്നത് )
ആർത്തവ അവധി എടുക്കുന്ന കുട്ടി ആ 3 ദിവസം വീട്ടില് തന്നെ Rest ല് ആയിരുന്നു എന്നതിന് എന്ത് തെളിവ് ആണ് ഉള്ളത്? കിട്ടിയ ചാൻസില് മൂന്നു ദിവസം അടിച്ചു പൊളിച്ചു നടന്നാല് ഈ അവധിയുടെ ഉദ്ദേശ്യ ശുദ്ധി വെറുതെ ആകില്ലേ? അതിനാല് മകള് വീട്ടില് തന്നെ ഉണ്ടായിരുന്നു എന്നും പറഞ്ഞു രക്ഷിതാവിന്റെ സാക്ഷ്യപത്രമോ ക്ലാസ് ടീച്ചർ നേരിട്ട് വിളിച്ച് അന്വേഷിക്കുകയോ വേണം, ഈ അവധി മിസ് യൂസ് ചെയ്യുവാൻ അനുവദിക്കരുത്. ആർത്തവ സമയത്തു സ്കൂള്, കോളേജ് പരീക്ഷകള് വന്നാല് എന്ത് ചെയ്യും? ഈ വേദനയും വെച്ചു എക്സാം എഴുതുന്നത് ബുദ്ധിമുട്ടല്ലേ? പിഎസ് സി പരീക്ഷ ഈ ദിവസങ്ങളില് സംഭവിച്ചാല് എന്ത് ചെയ്യും? ഇത് വെച്ചു എങ്ങനെ യാത്ര ചെയ്യും?
ഞാനായിരുന്നു സർക്കാർ എങ്കില്, ഈ ആവശ്യത്തിന്
സന്തോഷ് പണ്ഡിറ്റ് ഇനി താനാണ് മുഖ്യമന്ത്രി എങ്കില് എന്ത് ചെയ്യുമായിരുന്നു എന്നും വിശദീകരിക്കുന്നു ഈ പോസ്റ്റില്. അത് ഇപ്രകാരമാണ് ::”ശരിക്കും ഒരു ദിവസത്തെ ലീവ് ടീച്ചർ മാർക്കും, എല്ലാ സ്ത്രീകളായ ജീവനക്കാർക്കും മാസത്തില് രണ്ട് എക്സ്ട്ര ലീവും നല്കും..സ്ത്രീകള് കാരണം പോലും ലീവ് അപ്ലിക്കേഷനില് പറയേണ്ട എന്നും നിയമം കൊണ്ട് വരും. .(ഇങ്ങനെ 3 ദിവസം ലീവ് കൊടുത്ത് വിളിച്ചു കൂവില്ല ) അതൊരു സാധാരണ എക്സ്ട്ര ലീവ് ആയി കണക്കാക്കിയാല് മതി ആയിരുന്നു. ഇനി കൂടുതല് വേദന കാരണം ക്ലാസ്സില് വരുവാൻ പറ്റാത്ത വിദ്യാർത്ഥികള്ക്ക് രക്ഷിതാവിന്റെ റിക്വസ്റ്റ് കിട്ടുന്ന മുറക്ക് എക്സ്ട്ര ലീവ് കൊടുത്താല് പോരെ? ഇതിലും കഠിനം ആയ പോലീസ് ട്രെയിനിംഗ് , ഐഎഎസ്, ഐപിഎസ് ട്രെയിനിങ്, എന്സിസി,etc സമയത്തൊക്കെ പാവം യുവതികള് ആർത്തവം സംഭവിച്ചാല് ഈ പീരീഡില് ഒരുപാട് കഷ്ടപ്പെടുന്നു. അതും ചിന്തിച്ചു സർക്കാർ അവർക്ക് എക്സ്ട്ര ലീവ് കൊടുക്കണം.”
