കേരളത്തില് 111 പേര്ക്ക് അവസരം; പരിശീലനം 12 മാസത്തേക്ക്
യോഗ്യത: ഏതെങ്കിലും ഡിസിപ്ലിനില് ബിരുദം, പ്രായപരിധി 20-28 വയസ്
സ്റ്റൈപന്റ് പ്രതിമാസം15,000 രൂപ
വിശദവിവരങ്ങള് https://bankofbaroda.bank.in/career ല്
കേന്ദ്ര പൊതുമേഖലയിലുള്ള ബാങ്ക് ഓഫ് ബറോഡ വിവിധ സംസ്ഥാന/ കേന്ദ്ര ഭരണ പ്രദേശങ്ങളിലെ ബ്രാഞ്ചുകളിലേക്ക് 5000 അപ്രന്റീസുകളെ തെരഞ്ഞെടുക്കുന്നു. കേരളത്തില് 111 ഒഴിവുകളുണ്ട്. (ജനറല്- 59, ഒബിസി-29, ഇഡബ്ല്യുഎസ്-11, എസ് സി-11 , എസ്ടി-1) ഏതെങ്കിലും ഡിസിപ്ലിനില് അംഗീകൃത സര്വകലാശാല ബിരുദമുള്ളവര്ക്ക് അപേക്ഷിക്കാം. മെഡിക്കല് ഫിറ്റ്നസ്സുണ്ടായിരിക്കണം. പ്രായപരിധി 20-28 വയസ്. എസ്സി/എസ്ടി, ഒബിസി/ പിഡബ്ല്യുഡി വിഭാഗങ്ങള്ക്ക് നിയമാനുസൃത വയസ്സിളവ് ലഭിക്കും. പ്രാദേശിക ഭാഷാ പരിജ്ഞാനമുള്ളവരാകണം. തെരഞ്ഞെടുക്കപ്പെടുന്നവര്ക്ക് 12 മാസക്കാലത്തെ പരിശീലനം നല്കും. പ്രതിമാസം 15000 രൂപയാണ്. സ്റ്റൈപന്റ്, വിശദവിവരങ്ങള് https://bankofbaroda.bank.in/career ല് ലഭ്യമാണ്.
അപേക്ഷകള് ആദ്യം നാഷണല് അപ്രന്റീസ് പോര്ട്ടലായ www.apprenticeshipindia.gov.in ല് രജിസ്റ്റര് ചെയ്തിരിക്കണം. തുടര്ന്ന് അപ്രന്റീസ് രജിസ്ട്രേഷന് കോഡ് എന്റോള്മെന്റ് ഐഡി സഹിതം നിര്ദ്ദിഷ്ട ഫീസോടുകൂടി ബാങ്ക് ഓഫ് ബറോഡയിലേക്കും അപ്രന്റീസിനായി അപേക്ഷിക്കേണ്ടതാണ്. അപേക്ഷിക്കാനുള്ള മാര്ഗ്ഗ നിര്ദ്ദേശങ്ങള് വിജ്ഞാപനത്തിലുണ്ട്.
അപേക്ഷാ ഫീസ്: 800 രൂപ+ജിഎസ്ടി, വനിതകള്ക്കും ട്രാന്സ്ജന്ഡര് വിഭാഗത്തിനും 600രൂപ, പട്ടികജാതി/ വര്ഗ്ഗം, ഭിന്നശേഷി വിഭാഗങ്ങളില്പ്പെടുന്നവര്ക്ക് 200 രൂപ മതി. ജിഎസ്ടി കൂടി നല്കേണ്ടതുണ്ട്. അപേക്ഷ ഓണ്ലൈനിലൂടെ മാത്രമേ സ്വീകരിക്കുകയുള്ളൂ. ജൂണ് 8 വരെ അപേക്ഷിക്കാം.
സെലക്ഷന്: ഓണ്ലൈന് പരീക്ഷ, ലോക്കല് ലാംഗുവേജ് ടെസ്റ്റ്, സര്ട്ടിഫിക്കറ്റ് പരിശോധന എന്നിവയിലൂടെ അടിസ്ഥാനത്തിലാണ് തെരഞ്ഞെടുപ്പും ഒബ്ജക്ടീവ് മാതൃകയിലുള്ള പരീക്ഷയില് ജനറല്/ ഫിനാന്ഷ്യല് അവയര്നെസ്, ക്വാണ്ടിറ്റേറ്റീവ് ആന്റ് റീഡണിംഗ് ആപ്ടിട്യൂഡ്, കംപ്യൂട്ടര് നോളഡ്ജ്, ജനറല് ഇംഗ്ലീഷ് എന്നിവയില് ഒബ്ജക്ടീവ് മാതൃകയിലുള്ള 100 ചോദ്യങ്ങളുണ്ടാവും. ഒരു മണിക്കൂര് സമയം അനുവദിക്കും. പരമാവധി 100 മാര്ക്കിനാണ് പരീക്ഷ. സംസ്ഥാനതലത്തില് കാറ്റഗറി അടിസ്ഥാനത്തില് മെരിറ്റ് ലിസ്റ്റ് തയ്യാറാക്കി അപ്രന്റീസിന് നിയോഗിക്കും.
