ന്യൂദല്ഹി: രാജ്യത്തിന്റെ വിവിധ ഭാഗങ്ങളില് താപനില കുതിച്ചുയരുന്ന സാഹചര്യത്തില് എല്ലാ മുന്കരുതലുകളും സ്വീകരിക്കാന് പ്രധാനമന്ത്രി നരേന്ദ്ര മോദിയുടെ അഭ്യര്ത്ഥന. കഠിനമായ ഈ കാലാവസ്ഥയില് ശരീരത്തില് ജലാംശം നിലനിര്ത്താനും പുറത്തിറങ്ങുമ്പോള് വെള്ളം കരുതാനും, മറ്റുള്ളവര്ക്ക് കുടിവെള്ളം നല്കി സഹായിക്കാനും മോദി ജനങ്ങളോട് ആഹ്വാനം ചെയ്തു.
കുട്ടികള്, പ്രായമായവര്, പുറത്ത് ജോലി ചെയ്യുന്നവര് എന്നിവര് കടുത്ത ചൂടില് പ്രത്യേകിച്ച് അപകടസാധ്യതയുള്ളവരാണെന്ന് ചൂണ്ടിക്കാട്ടിയ മോദി, ഈ ലക്ഷണങ്ങള് അവഗണിക്കുന്നത് സൂര്യഘാതത്തിലേക്ക് നയിച്ചേക്കാമെന്ന് മുന്നറിയിപ്പ് നല്കി
ഉഷ്ണതരംഗ സമയത്ത് പ്രായമായ മാതാപിതാക്കളുടെയും മുത്തശ്ശീ മുത്തശ്ശന്മാരുടെയും പ്രിയപ്പെട്ടവരുടെയും വിവരങ്ങള് പതിവായി അന്വേഷിക്കണമെന്നും, ശരീരത്തില് ജലാംശം നിലനിര്ത്താനും, ഉച്ചവെയിലുള്ള സമയങ്ങളില് പുറത്തിറങ്ങുന്നത് ഒഴിവാക്കാനും, ആവശ്യത്തിന് വിശ്രമിക്കാനും അവരെ ഓര്മിപ്പിക്കണമെന്നും മോദി ആവശ്യപ്പെട്ടു.
ഇതോടൊപ്പം പക്ഷികള്ക്കും മൃഗങ്ങള്ക്കുമായി വീടുകള്ക്ക് പുറത്ത് പാത്രങ്ങളില് വെള്ളം കരുതിവെയ്ക്കാനും പ്രധാനമന്ത്രി പൗരന്മാരോട് അഭ്യര്ത്ഥിച്ചു.
