മുംബൈ: തിരക്കേറിയ റോഡുകളിലും ഇടുങ്ങിയ തെരുവുകളിലും എളുപ്പത്തില് ഓടിക്കാവുന്ന കാര് ആയിരുന്നു എംജി കോമറ്റ്. വിലയുടെ കാര്യത്തിലും ടാറ്റയുടെ ഇലക്ട്രിക് കാറുകളേക്കാള് ഒരല്പം മുന്തൂക്കമുണ്ട്. ഇപ്പോള് ഇന്ധനവില കൂടുന്നത് തലവേദനയായി കാണുന്ന സാദാ കാര് ഉടമകള്ക്ക് മികച്ച് ഓപ്ഷന് ഇന്ത്യയില് എംജി കോമറ്റ് തന്നെ.
അഞ്ച് ലക്ഷത്തില് താഴെ വില
എംജി കോമറ്റ് ഇവിയുടെ എക്സ്-ഷോറൂം വില 7.62 ലക്ഷം രൂപ ആണ്. എങ്കിലും ബാറ്ററി ഫ്രീയായി നല്കുന്ന ബാറ്ററി-ആസ്-എ-സർവീസ് (BaaS) ഓപ്ഷന് തെരഞ്ഞെടുത്താല് കാറിന്റെ പ്രാരംഭ എക്സ്-ഷോറൂം വില 4.99 ലക്ഷമായി കുറയുംയ പക്ഷേ ബാറ്ററി വാടക കിലോമീറ്ററിന് 3.20 രൂപ പിന്നീട് മാസം തോറും നല്കണമെന്ന് മാത്രം.
ബാറ്ററിയും ഡ്രൈവിംഗ് റേഞ്ചും
17.3kWh ബാറ്ററി പായ്ക്കാണ് ഈ ഇലക്ട്രിക് കാറിന് കരുത്ത് പകരുന്നത്. ഇലക്ട്രിക് മോട്ടോർ 41.43 bhp കരുത്തും 110 Nm ടോർക്കും ഉത്പാദിപ്പിക്കുന്നു. എംജി കോമറ്റ് ഇവി ഒറ്റ ഫുള് ചാർജില് ഏകദേശം 230 കിലോമീറ്റർ ദൂരം സഞ്ചരിക്കുമെന്ന് കമ്പനി അവകാശപ്പെടുന്നു.
എളുപ്പത്തില് ഓടിക്കാം
എംജി കോമറ്റ് ഇവിയുടെ നീളം 2,974 എംഎം, വീതി 1,505 എംഎം, ഉയരം 1,640 എംഎം എന്നിവയാണ്. വീല്ബേസ് 2,010 എംഎം ആണ്. ടേണിംഗ് റേഡിയസ് വെറും 4.2 മീറ്ററാണ്, ഇത് ഇടുങ്ങിയ സ്ഥലങ്ങളില് പോലും എളുപ്പത്തില് കൈകാര്യം ചെയ്യാൻ സഹായിക്കുന്നു.
സ്മാർട്ട് ഫീച്ചറുകള്
വെള്ളയും ചാരനിറവും നിറങ്ങളിലുള്ള തീം ക്യാബിനാണ് കാറിന്റെ ഉള്ഭാഗം. 10.24 ഇഞ്ച് ഡിജിറ്റല് ഇൻസ്ട്രുമെന്റ് ക്ലസ്റ്ററും 10.24 ഇഞ്ച് ടച്ച്സ്ക്രീൻ ഇൻഫോടെയ്ൻമെന്റ് സിസ്റ്റവും ഇതിലുണ്ട്. വയർലെസ് ആൻഡ്രോയിഡ് ഓട്ടോ, ആപ്പിള് കാർപ്ലേ, കീലെസ് എൻട്രി, റിയർ പാർക്കിംഗ് ക്യാമറ, സ്റ്റിയറിംഗ് കണ്ട്രോളുകള്, നാല് സ്പീക്കർ ഓഡിയോ സിസ്റ്റം, ലെതറെറ്റ് സീറ്റുകള് എന്നിവയാണ് സവിശേഷതകള്.
