ആരിഫ് ഹുസൈന് തെരുവത്ത് (ഇടത്ത്)
തിരൂര്: മലപ്പുറത്ത് ജിഹാദികളുടെ കൊലവിളി മൂലം എക്സ് മുസ്ലിമും സാമൂഹ്യനിരീക്ഷകനുമായ ആരിഫ് ഹുസൈന് തെരുവത്തിന്റെ മീറ്റിംഗ് മാറ്റിവെച്ചു. കോയ കോളിംഗ് എന്ന പേരില് സംഘടിപ്പിക്കാനുദ്ദേശിച്ച പരിപാടിയാണ് മാറ്റിവെച്ചത്.
ഇസ്ലാമിക മതവിശ്വാസികളുടെ സംശയത്തിന് മറുപടി നല്കുന്ന പരിപാടിയാണ് കോയാ കാളിംഗ്. ഇതേ പേരില് ആരിഫ് ഹുസൈന് തെരുവത്ത് തന്റെ യൂട്യൂബ് ചാനലിലും നിരന്തരമായി പരിപാടി സംഘടിപ്പിക്കുന്നുണ്ട്. ആരിഫ് ഹുസൈന് തെരുവത്ത് മലപ്പുറത്തെ തിരൂരിലെ പരിപാടിയില് പങ്കെടുക്കുമെന്ന അറിയിപ്പുണ്ടായതോടെയാണ് ഇവിടെ ആരിഫ് ഹുസൈന് തെരുവത്തിനെ പങ്കെടുപ്പിക്കില്ല എന്ന രീതിയില് ജിഹാദികള് ഭീഷണി ഉയര്ത്തിയത്.
ആരിഫ് ഹുസൈന് തിരൂരിലെ പരിപാടിക്ക് പങ്കെടുക്കാന് വന്നാല് കാല് വെട്ടും എന്ന തരത്തില് വെല്ലുവിളി ജിഹാദികളുടെ ഭാഗത്ത് നിന്നും ഉണ്ടായിരുന്നു. പൊളിറ്റിക്കല് ഇസ്ലാമിനെ നിര്ദാക്ഷിണ്യം വിമര്ശിക്കുന്ന വ്യക്തിയാണ് ആരിഫ് ഹുസൈന് തെരുവത്ത്.
