ഹൈദരാബാദ്: രാഷ്ട്രീയവും സാമ്പത്തികവുമായ വിവാദങ്ങളിലേക്ക് ആര്എസ്എസിനെയും സംഘകാര്യകര്ത്താക്കളെയും വലിച്ചിഴയ്ക്കുന്ന മാധ്യമവാര്ത്തകള്ക്കെതിരെ നിയമനടപടി സ്വീകരിക്കുമെന്ന് തെലങ്കാന പ്രാന്ത സംഘചാലക് ബര്ല സുന്ദര് റെഡ്ഡി.
കേന്ദ്രമന്ത്രി ബണ്ടി സഞ്ജയ് കുമാര് ഉള്പ്പെട്ട വിവാദത്തിന്റെ പേരിലാണ് പ്രാന്തകാര്യവാഹ് കച്ചം രമേശ്, പ്രാന്ത പ്രചാരക് ലിംഗം ശ്രീധര് എന്നിവരെക്കുറിച്ച് അടിസ്ഥാനരഹിതവും അപകീര്ത്തികരവുമായ വാര്ത്തകള് പ്രചരിപ്പിച്ചത്. ഇത്തരം വാര്ത്തകള് കെട്ടിച്ചമച്ച് പ്രചരിപ്പിക്കുന്നവര് മറുപടി പറയേണ്ടിവരുമെന്ന് പ്രാന്ത സംഘചാലക് പത്രക്കുറിപ്പില് ചൂണ്ടിക്കാട്ടി.
നിസ്വാര്ത്ഥമായി പൊതുപ്രവര്ത്തനത്തിലേര്പ്പെട്ടിരിക്കുന്ന ആര്എസ്എസ് പ്രവര്ത്തകരെ ചില മാധ്യമസ്ഥാപനങ്ങള് മനപ്പൂര്വം അപകീര്ത്തിപ്പെടുത്താനും അവരുടെ വിശ്വാസ്യത തകര്ക്കാനുമാണ് ശ്രമിക്കുന്നത്. തെറ്റായ വിവരങ്ങള് പ്രചരിപ്പിക്കുന്ന സമീപനം അവര് അവസാനിപ്പിക്കണം. അല്ലാത്തപക്ഷം നിയമപരമായ നടപടികള് നേരിടേണ്ടിവരുമെന്ന് അദ്ദേഹം മുന്നറിയിപ്പ് നല്കി.
