ന്യൂദല്‍ഹി: ഈദിന് മൃഗങ്ങളെ അറക്കുന്നതില്‍ നിയന്ത്രണം ഏര്‍പ്പെടുത്തിയ ബംഗാളിലെ സുവേന്ദു അധികാരി സര്‍ക്കാരിന്റെ തീരുമാനത്തെ ചോദ്യം ചെയ്ത് കല്‍ക്കട്ട ഹൈക്കോടതിയെ സമീപിച്ച തൃണമൂല്‍ നേതാവ് മഹുവ മൊയ്ത്രയ്ക്ക് തിരിച്ചടി.
മുസ്ലിങ്ങളുടെ ഈദിന് പശുക്കളെ അറുക്കുന്നത് നിര്‍ബന്ധമല്ലെന്നായിരുന്നു കല്‍ക്കട്ട ഹൈക്കോടതി പറഞ്ഞത്. ഇസ്ലാമിന് കീഴില്‍ മൃഗങ്ങളെ അറക്കുന്നത് മതപരമായ ആവശ്യമല്ലെന്നും ഹൈക്കോടതി നിരീക്ഷിച്ചു. ഹനീഫ് ഖുറേഷിയും ബീഹാര്‍ സര്‍ക്കാരും തമ്മില്‍ നടന്ന കേസിലെ സുപ്രീംകോടതി വിധി ഉദ്ധരിച്ചായിരുന്നു ജഡ്ചിമാര്‍ ഇക്കാര്യം ചൂണ്ടിക്കാട്ടിയത്.
ചീഫ് ജസ്റ്റിസ് സുജോയ് പോളും പാര്‍ത്ഥസാരഥി സെന്നും അംഗങ്ങളായ ബെഞ്ചാണ് ഈ വിധി പുറപ്പെടുവിച്ചത്. അതേ സമയം മറ്റ് മൃഗങ്ങളെ അറുക്കുന്നതിന് ഇളവ് കൊടുക്കുന്നതിനെക്കുറിച്ച് ആലോചിച്ചുകൂടെയെന്ന് കല്‍ക്കട്ട ഹൈക്കോടതി മുഖ്യമന്ത്രി സുവേന്ദു അധികാരിയോട് നിര്‍ദേശിച്ചു.
