ലഖ്നൗ: ദളിത് കലാപത്തിനുള്ള സാധ്യത ആരായാന് ഉത്തര്പ്രദേശിലെ ദളിത് നേതാവ് മായാവതിയെ കാണാന് രണ്ട് ദളിത് കോണ്ഗ്രസ് നേതാക്കളെ വിട്ട രാഹുല് ഗാന്ധിയ്ക്ക് നിരാശനാകേണ്ടി വന്നു. ഇരുവരെയും മായാവതി തിരിച്ചയയ്ക്കുകയായിരുന്നു.
ദളിത് കോണ്ഗ്രസ് നേതാക്കളായ രാജേന്ദ്ര പാല് ഗൗതമും ബാരാബങ്കി ലോക്സഭയില് നിന്നുള്ള എംപി തനുജ് പൂനിയയുമാണ് നാണം കെട്ട് മടങ്ങിപ്പോകേണ്ടി വന്നത്. കോണ്ഗ്രസിന്റെ ദളിത് നേതാക്കളായ ഇവര് രാഹുല് ഗാന്ധിയുടെ നിര്ദേശപ്രകാരമായിരുന്നു മായാവതിയെ കാണാന് വന്നത്.
മായാവതിയുടെ വീടിന് മുന്നിലെത്തിയ കോണ്ഗ്രസ് നേതാക്കള് മായാവതിയുടെ വീടിന്റെ കാവല്ക്കാരനോട് മായാവതിയെ കാണണമെന്ന് അഭ്യര്ത്ഥിച്ചു. ഇത് അകത്ത് ചെന്ന് മായാവതിയെ അറിയിച്ചതും അവരെ കാണേണ്ടെന്ന് മായാവതി അറിയിക്കുകയായിരുന്നു. ഇതോടെ ഇവര് മടങ്ങിപ്പോകാന് ശ്രമിച്ചെങ്കിലും മാധ്യമ പ്രവര്ത്തകര് വിട്ടില്ല.
എന്തിനാണ് മായാവതിയെ കാണാന് വന്നത് എന്ന് ചോദിച്ചപ്പോള് കുറച്ചുകാലമായി രോഗബാധിതയായി കഴിയുന്ന അവരെ പൊതുപരിപാടികളില് കാണാത്തതില് ആശങ്കയുണ്ടെന്നും അതിനാലാണ് കാണാന് വന്നതെന്നും ഇരുവരും വിശദീകരിച്ചു.. അതേ സമയം രാഹുല് ഗാന്ധിയുടെ നിര്ദേശപ്രകാരമാണോ ഇവിടെ വന്നതെന്ന മാധ്യമപ്രവര്ത്തകരുടെ ചോദ്യത്തിന് അല്ലെന്നായിരുന്നു ഇരുവരുടെയും മറുപടി.
ബിജെപിയെ തകര്ക്കാന് യുപിയില് അഖിലേഷ് യാദവിന്റെ പിഡിഎ പദ്ധതി
ഉത്തര്പ്രദേശില് ബിജെപിയെ തകര്ക്കാന് പിഡിഎ എന്നീ മൂന്ന് തൂണകളെ ആശ്രയിക്കാനാണ് പ്രതിപക്ഷനേതാവ് അഖിലേഷ് യാദവിന്റെ പദ്ധതി. ഇതില് പി എന്ന പിച്ച്ഡ എന്നത് പിന്നാക്കസമുദായക്കാര് ആണ്. ഡി എന്നത് ദളിത് ആണ്. എ എന്നത് അല്പസംഖ്യാക്സ് അഥവാ ന്യൂനപക്ഷങ്ങള് ആണ്. ഇതാണ് മൂന്ന് തൂണുകള്. ഇതിന്റെ ഭാഗമായി ദളിതുകളെ ബിജെപിയ്ക്ക് എതിരെ നിര്ത്താന് കുറെക്കാലമായി അഖിലേഷ് യാദവും രാഹുല് ഗാന്ധിയും കൊണ്ടുപിടിച്ച് യുപിയില് ശ്രമിക്കുന്നു. പക്ഷെ ഇതുവരെ നടന്നിട്ടില്ലെന്ന് മാത്രം.
