ആലപ്പുഴ: ജി സുധാകരന് കുട്ടിച്ചാത്തനെന്ന് മുന് എം എല് എ യു പ്രതിഭ.സിപിഎം ജില്ലാ കമ്മിറ്റി യോഗത്തില് ആണ് പ്രതിഭയുടെ പരാമര്ശം.കായംകുളത്ത് തന്നെ തോല്പ്പിക്കണമെന്ന് പലരെയും ഫോണില് വിളിച്ചു പറഞ്ഞു. അമ്പലപ്പുഴയിലും ഇടതുമുന്നണിക്കെതിരെ ഇതേ പണി ചെയ്തു.
‘ഇയാള് എന്താ കുട്ടിച്ചാത്തന് ആണോ’ എന്ന് യു പ്രതിഭ ജില്ലാ കമ്മിറ്റിയില് വിമര്ശിച്ചു. 2021ല് ജി സുധാകരന് സ്ഥാനാര്ത്ഥി അല്ലാതിരുന്നിട്ടും പണം പിരിച്ചതിന്റെ കണക്ക് പാര്ട്ടിക്ക് നല്കിയിട്ടില്ല. എന്നിട്ടും പാര്ട്ടി ഈ വിവരം ജനങ്ങളോട് മറച്ചുവച്ചു.അതിന്റെ പ്രതിഫലമാണ് സുധാകരന് നല്കിയതെന്നും അവര് വിമര്ശിച്ചു.
എസ് എന് ഡി പി യോഗം ജനറല് സെക്രട്ടറി വെള്ളാപ്പള്ളി നടേശനെതിരെ നിയമനടപടിക്ക് പ്രതിഭ പാര്ട്ടിയുടെ അനുമതി തേടി. മകനെ മാധ്യമങ്ങളിലൂടെ അവഹേളിച്ചു. ഇല്ലാത്ത കാര്യങ്ങള് പറഞ്ഞ് അപമാനിച്ചു. നിയമനടപടിക്ക് അനുമതി നല്കണമെന്ന് ജില്ലാ കമ്മറ്റിയില് ആവശ്യമുന്നയിച്ചു. എന്നാല് ജില്ലാ നേതൃത്വം മറുപടി നല്കിയില്ല. പ്രതിഭ ജയിക്കാന് അര്ഹയല്ലെന്നും മകന് കഞ്ചാവ് കച്ചവടത്തിന് പോയപ്പോള് ഓര്ക്കണമായിരുന്നെന്നും വെള്ളാപ്പള്ളി മാധ്യമങ്ങളോട് പറഞ്ഞാണ് അവരെ പ്രകോപിപ്പിച്ചത്.
കഴിഞ്ഞ ദിവസം പ്രതിഭക്കെതിരെയും ആലപ്പുഴ ജില്ലാ കമ്മിറ്റിയില് രൂക്ഷ വിമര്ശനം ഉയര്ന്നിരുന്നു. തെരഞ്ഞെടുപ്പ് പ്രചരണത്തിനിറങ്ങിയ സഖാക്കളെ തോറ്റ ശേഷം അപമാനിച്ചു.പണിയെടുത്തില്ലെന്ന് പറയുന്നത് എന്തടിസ്ഥാനത്തിലെന്നും പ്രതിഭക്കെതിരായ വലിയ വികാരം കായംകുളത്തുണ്ടായിരുന്നുവെന്നും നേതാക്കള് ചൂണ്ടിക്കാട്ടി.
