കൊച്ചി: കശുവണ്ടി കോര്പറേഷന് അഴിമതി കേസില് ഹൈക്കോടതി ഡിവിഷന് ബെഞ്ചില് അപ്പീല് നല്കി വ്യവസായ പ്രിന്സിപ്പല് സെക്രട്ടറി മുഹമ്മദ് ഹനീഷ്. പ്രോസിക്യൂഷന് അനുമതി നിഷേധിച്ച സര്ക്കാര് ഉത്തരവ് റദ്ദ് ചെയ്ത സിംഗിള് ബെഞ്ച് ഉത്തരവിനും കോടതിയലക്ഷ്യം നിലനില്ക്കുമെന്ന ഉത്തരവിനും എതിരെയാണ് അപ്പീല്.
ഐഎന്ടിയുസി പ്രസിഡന്റ് ആര്.ചന്ദ്രശേഖരന് അടക്കം പ്രതികളെ പ്രോസിക്യൂട്ട് ചെയ്യാനാണ് സിബിഐ അനുമതി തേടിയത്. അഴിമതി നിരോധന നിയമം കൂടെ ചേര്ത്താല് മാത്രമേ പ്രോസിക്യൂഷന് നടപടിയിലേക്ക് കടക്കാന് കഴിയുകയുള്ളൂ. കശുവണ്ടി കോര്പ്പറേഷന് അഴിമതി കേസില് ഇടത് സര്ക്കാര് അഴിമതിക്കാരെ സംരക്ഷിക്കുന്നതായി ആക്ഷേപം ഉയര്ന്നിരുന്നു.
500 കോടി രൂപയുടെ അഴിമതി നടന്നെന്നാണ് സിബിഐ കണ്ടെത്തല്.കാഷ്യൂ ഡെവലപ്മെന്റ് കോര്പറേഷന് (സിഡിസി) മുന് എം.ഡി. കെ.എ. രതീഷിനും മുന് ചെയര്മാനും ഐഎന്ടിയുസി സംസ്ഥാന അധ്യക്ഷനുമായ എ.ചന്ദ്രശേഖരനും എതിരെയാണ് സിബിഐ കുറ്റപത്രം സമര്പ്പിച്ചത്.പത്ത് വര്ഷത്തെ അന്വേഷണത്തെ തുടര്ന്ന് 2020-ലാണ് കേസില് കുറ്റപത്രം സമര്പ്പിച്ചത്.
