കൊല്‍ക്കൊത്ത: എസ് ഐ ആര്‍ പ്രകാരം വോട്ടര്‍പട്ടികയില്‍ നിന്നും പേരുവെട്ടി മാറ്റപ്പെട്ട സ്ത്രീകള്‍ക്ക് സര്‍ക്കാരിന്റെ സാമ്പത്തിക ആനുകൂല്യങ്ങള്‍ നല്‍കില്ലെന്ന് ബംഗാള്‍ വനിതാ ശിശുക്ഷേമ മന്ത്രി അഗ്നിമിത്ര പോള്‍. വോട്ടര്‍പട്ടികയില്‍ നിന്നും പേര് നീക്കം ചെയ്തവര്‍ക്ക് പണി കൊടുക്കാനാണ് സുവേന്ദു അധികാരി സര്‍ക്കാരിന്റെ ഈ നീക്കം. അനധികൃത കുടിയേറ്റക്കാരെ ലാക്കാക്കിയാണ് ഈ നീക്കം.
അതേ സമയം വോട്ടര്‍പട്ടികയില്‍ നിന്നും പേര് വെട്ടിമാറ്റിയതിനെതിരെ പരാതി നല്‍കിയവര്‍ക്ക് ധനസഹായം നല്‍കുന്ന കാര്യം പ്രത്യേകം പരിഗണിയ്‌ക്കുമെന്നുംഅഗ്നിമിത്ര പോള്‍ പറഞ്ഞു.
ബംഗ്ലാദേശില്‍ നിന്നും മ്യാന്‍മറില്‍ നിന്നും ബംഗാളില്‍ എത്തിയ അനധികൃത കുടിയേറ്റക്കാര്‍ക്ക് തിരിച്ചടി നല്‍കുന്നതാണ് ഈ തീരുമാനം. ബംഗാളില്‍ കൊണ്ട് വന്ന് ഇവര്‍ക്ക് കൃത്രിമ വോട്ടര്‍ ഐഡിയും ആധാറും നല്‍കിയവര്‍ പെടും. തൃണമൂല്‍ കോണ്‍ഗ്രസിന്റെ നേതൃത്വത്തിലുള്ള മനുഷ്യക്കടത്ത് ലോബികളാണ് ഇതിന് പിന്നില്‍.
ലക്ഷ്മീ ഭണ്ഡാര്‍ അഥവാ അന്നപൂര്‍ണ്ണ ഭണ്ഡാര്‍ എന്ന സ്ത്രീകള്‍ക്കുള്ള ക്ഷേമപദ്ധതികള്‍ വോട്ടേഴ്സ് ലിസ്റ്റില്‍ ഇല്ലാത്തവര്‍ക്ക് നല്‍കാനാവില്ല. ഈ പദ്ധതിയുടെ ഗുണഭോക്താക്കള്‍ക്ക് അവരുടെ ബാങ്ക് അക്കൗണ്ടിലേക്ക് പണം നല്‍കുന്നതിന് മുന്‍പ് വോട്ടര്‍പട്ടികയില്‍ പേരുണ്ടോ എന്ന കാര്യം പരിശോധിക്കുമെന്നും അഗ്നിമിത്ര പോള്‍ പറഞ്ഞു.
സുവേന്ദു അധികാരിയുടെ നേതൃത്വത്തില്‍ സത്യപ്രതിജ്ഞ ചെയ്ത ഏതാനും പേരില്‍ ഒരേയൊരു വനിതയാണ് അഗ്നിമിത്ര പോള്‍. ഫാഷന്‍ രംഗത്ത് നിന്നും വരുന്നവരാണ് അഗ്നിമിത്ര പോളെങ്കിലും കഴിഞ്ഞ 15 വര്‍ഷമായി മമത സര്‍ക്കാരിനെതിരെ ഉയര്‍ന്ന ശക്തമായ ശബ്ദമായിരുന്നു ഇവരുടേത്.
