തിരുവനന്തപുരം :സംസ്ഥാനത്തെ മന്ത്രിമാര്ക്ക് ഔദ്യോഗിക വസതികള് അനുവദിച്ച് പൊതുഭരണവകുപ്പിന്റെ ഉത്തരവ് പുറത്തിറങ്ങി.രമേശ് ചെന്നിത്തലയ്ക്ക് ക്ലിഫ് ഹൗസ് കോമ്പൗണ്ടിലെ പമ്പയാണ് അനുവദിച്ചത്. കെ മുരളീധരന് സാനഡു. സണ്ണി ജോസഫിന് അശോകയാണ് അനുവദിച്ചത്. മന്മോഹന് ബംഗ്ലാവ് ആണ് ഒ ജെ ജനീഷിന് ലഭിച്ചത്. വിശ്വാസപരമായ കാര്യങ്ങളാല് പല മന്ത്രിമാരും മന്മോഹന് ബംഗ്ലാവില് താമസിച്ചിരുന്നില്ല.
നിള, സാനഡു, ഗ്രേസ് എന്നീ വസതികള്ക്ക് ആവശ്യക്കാരേറെ ഉണ്ടായത് തര്ക്കത്തിന് കാരണമായി.എ പി അനില്കുമാറിന് കന്റോണ്മന്റ് ഹൗസിന് സമീപമുളള കാവേരിയാണ് ഔദ്യോഗിക വസതി.പി സി വിഷ്ണുനാഥ് സമീപത്ത് തന്നെ നിളയിലാണ് താമസിക്കുക. ടി സിദ്ദിഖ് കന്റോണ്മന്റ് ഹൗസിന് സമീപം ഗംഗയില് താമസിക്കും.അടുത്ത് തന്നെ ഗ്രേസില് റോജി എം ജോണ് താമസിക്കും.എം ലിജുവിന് ലോക്ഭവന് സമീപം അജന്തയാണ് അനുവദിച്ചത്.
കെ എ തുളസിക്ക് ക്ലിഫ് ഹൗസ് കോമ്പൗണ്ടിലെ പ്രശാന്താണ് അനുവദിച്ചത്.എന് ഷംസുദ്ദീന് ക്ലിഫ് ഹൗസ് കോമ്പൗണ്ടിലെ നെസ്റ്റിലാണ് താമസിക്കുക. സമീപമുളള പൗര്ണമിയില് കെ എം ഷാജി താമസിക്കും.പി കെ ബഷീറിന് നന്തന്കോട് ഉഷസാണ് അനുവദിച്ചത്. വി ഇ അബ്ദുള് ഗഫൂര് വെളളയമ്പലം കവടിയാര് ഹൗസില് താമസിക്കും.മോന്സ് ജോസഫ് ക്ലിഫ് ഹൗസ് കോമ്പൗണ്ടിലെ പെരിയാറിലാകും താമസിക്കുക.ഷിബു ബേബി ജോണ് ഇവിടെ തന്നെയുളള എസെഡെന് ആനുവദിച്ചു.സി പി ജോണിന് വഴുതക്കാട് റോസ് ഹൗസാണ് അനുവദിച്ചത്.
ബിന്ദു കൃഷ്ണ വഴുതക്കാട് തൈക്കാട് ഹൗസില് താമസിക്കും.കുഞ്ഞാലിക്കുട്ടി ദേവസ്വം ബോര്ഡ് ജംഗ്ഷനിലെ ലിന്ഡ്ഹര്സ്റ്റിലാണ് താമസിക്കുക.
