തിരുവനന്തപുരം : സത്യപ്രതിജ്ഞ ചടങ്ങിനായി സെന്ട്രല് സ്റ്റേഡിയത്തില് ഒരുക്കങ്ങള് പുരോഗമിക്കുന്നു. സുരക്ഷ സംബന്ധിച്ച മുന്നൊരുക്കങ്ങള് പൂര്ത്തിയായതായി ഡിജിപി റവാഡ ചന്ദ്രശേഖര് പറഞ്ഞു.പന്തല് നിര്മാണവും സ്റ്റേജ് ഒരുക്കങ്ങളും അവസാനഘട്ടത്തിലെത്തി. തുടക്കത്തില് 12,000 പേര്ക്ക് പ്രവേശനം നല്കാനാണ് തീരുമാനിച്ചിരുന്നതെങ്കിലും തിരക്ക് വര്ധിക്കുന്ന സാഹചര്യം കണക്കിലെടുത്ത് 50,000 പേരെ ഉള്ക്കൊള്ളാവുന്ന രീതിയിലാണ് പന്തല് തയാറാക്കുന്നത്.
പാസ് ലഭിക്കാത്ത പാര്ട്ടി പ്രവര്ത്തകര്ക്കും പൊതുജനങ്ങള്ക്കും സത്യപ്രതിഞ്ഞ ചടങ്ങ് കാണുന്നതിനായി നഗരത്തിന്റെ വിവിധ ഭാഗങ്ങളില് എല്ഇഡി സ്ക്രീനുകള് സജ്ജീകരിക്കും.
ഗതാഗതക്കുരുക്ക് ഒഴിവാക്കുന്നതിന് വേണ്ടിയിട്ടുള്ള എല്ലാ സജ്ജീകരണങ്ങളും ചെയ്തിട്ടുണ്ടെന്ന് സിറ്റി പൊലീസ് കമ്മീഷണര് കാര്ത്തിക് പറഞ്ഞു. തമിഴ്നാട് മുഖ്യമന്ത്രി എത്തുമോ എന്നതില് ഔദ്യോഗസ്ഥീകരണം ഇതുവരെയും ലഭിച്ചിട്ടില്ല. തീരദേശ മേഖലയില് ഉള്പ്പെടെ എല്ലായിടങ്ങളിലും സുരക്ഷാ വിന്യാസം ഉണ്ടാകും. മന്ത്രിമാരുടെ വാഹനങ്ങളും സത്യപ്രതിജ്ഞ ചടങ്ങില് പങ്കെടുക്കാന് എത്തുന്നവരുടെ വാഹനങ്ങളും വരുന്നതിനുള്ള വഴിയും പാര്ക്കിംഗ് സൗകര്യങ്ങളും ചെയ്തിട്ടുെന്ന് അദ്ദേഹം വ്യക്തമാക്കി.
