കോഴിക്കോട്: അമ്പത് വര്‍ഷത്തെ സഫലമായ സംഘടനാ പ്രവര്‍ത്തനത്തിന് ശേഷം കേരളത്തിന്റെ സാംസ്‌കാരിക രംഗത്ത് സര്‍വ്വസ്പര്‍ശിയായ മുന്നേറ്റമുണ്ടാക്കാന്‍ തപസ്യ വളര്‍ച്ചയുടെ പുതിയ ഘട്ടത്തിലേക്ക് വളരണമെന്ന് ആര്‍എസ്എസ്. ഉത്തരകേരള പ്രാന്തകാര്യവാഹ് പി.എന്‍. ഈശ്വരന്‍ പറഞ്ഞു. തപസ്യ പ്രതിനിധി സമ്മേളനത്തില്‍ സംസാരിക്കുകയായിരുന്നു അദ്ദേഹം.
പ്രവര്‍ത്തന ശൈലിയില്‍ പുതിയ കാലത്തിനനുസരിച്ചുള്ള പരിവര്‍ത്തനമുണ്ടാകണം. കാര്യക്ഷമമായ യൂണിറ്റുകളിലൂടെ വിവിധ മേഖലകളിലെ പ്രമുഖരെ സമ്പര്‍ക്കം ചെയ്തു കൊണ്ട് സംഘടനാ പ്രവര്‍ത്തനം ശക്തമാക്കണം.
തപസ്യയുടെ സാംസ്‌കാരിക- കലാ- സാഹിത്യ മേഖലകളിലെ പ്രവര്‍ത്തനം വ്യവസ്ഥാ പരിവര്‍ത്തനം ലക്ഷ്യം വെച്ച് കൊണ്ടായിരിക്കണം അദ്ദേഹം പറഞ്ഞു. പി. ബാലകൃഷ്ണന്‍, തപസ്യ സംസ്ഥാന സംഘടനാ സെക്രട്ടറി സി. റെജിത്ത് കുമാര്‍, സംസ്ഥാന ജനറല്‍ സെക്രട്ടറി കെ.ടി. രാമചന്ദ്രന്‍, അനൂപ് കുന്നത്ത്, ദിനേശന്‍ കുറ്റിക്കാട്ടൂര്‍ എന്നിവര്‍ സംസാരിച്ചു.
