തിരുവനന്തപുരം: കേരളത്തില് ഒരു യഥാര്ത്ഥ ജനകീയ പ്രതിപക്ഷമായി എന്ഡിഎ പ്രവര്ത്തിക്കുമെന്ന് ബിജെപി സംസ്ഥാന ജനറല്സെക്രട്ടറി എം ടി രമേശ്.ജനങ്ങളുടെ പ്രധാനപ്പെട്ട രാഷ്ട്രീയ പ്രശ്നങ്ങളും ജീവിത പ്രശ്നങ്ങളും നിയമസഭയില് അവതരിപ്പിക്കുക എന്നതാണ് ബിജെപിയുടെ ഉത്തരവാദിത്തമായി കാണുന്നതെന്നും സംസ്ഥാന നേതൃയോഗ തീരുമാനങ്ങള് വിശദീകരിച്ചു കൊണ്ട് എം ടി രമേശ് പറഞ്ഞു.
എല്ഡിഎഫിനും യുഡിഎഫിനും പകരമായി ഒരു മൂന്നാം ബദല് ഉയര്ന്നുവന്നതായും ജനം അത് അംഗീകരിച്ചതായും തിരഞ്ഞെടുപ്പ് ഫലങ്ങള് സൂചിപ്പിക്കുന്നു. മൂന്ന് നിയമസഭാ മണ്ഡലങ്ങളില് വിജയിക്കാനും ആറ് മണ്ഡലങ്ങളില് രണ്ടാം സ്ഥാനത്ത് വരാനും കേരളത്തില് മുപ്പത് ലക്ഷത്തോളം വോട്ടുകള് സമാഹരിക്കാനും ദേശീയ ജനാധിപത്യ സഖ്യത്തിന് സാധിച്ചിട്ടുണ്ട്.
ഈ വലിയ വിജയത്തിലേക്ക് എന്ഡിഎയെ എത്തിച്ച കേരളത്തിലെ എല്ലാ വോട്ടര്മാരോടും ബിജെപി സംസ്ഥാന നേതൃയോഗം നന്ദി രേഖപ്പെടുത്തുന്നതായും രമേശ് പറഞ്ഞു. എന്ഡിഎയ്ക്ക് അനുകൂലമായി വോട്ട് രേഖപ്പെടുത്തിയ മുപ്പത് ലക്ഷത്തോളം വരുന്ന വോട്ടര്മാരുടെ ശബ്ദം നിയമസഭയില് പ്രതിഫലിപ്പിക്കുക എന്നത് വലിയ ഉത്തരവാദിത്തമാണ്.
ബിജെപിക്കും എന്ഡിഎയ്ക്കും വോട്ട് ചെയ്തവരും വോട്ട് ചെയ്യാത്തവരുമായ വലിയൊരു ജനവിഭാഗമുണ്ട്. അവര്ക്കെല്ലാം നീതി ഉറപ്പാക്കാന് സാധിക്കുന്ന, അവരുടെ ശബ്ദമായി എന്ഡിഎ എംഎല്എമാര് നിയമസഭയില് ഉണ്ടാകണം എന്നതാണ് തീരുമാനമെന്നും എം ടി രമേശ് പറഞ്ഞു. സംസ്ഥാന ജനറല് സെക്രട്ടറി അഡ്വ എസ് സുരേഷ്, സംസ്ഥാന ഉപാധ്യക്ഷന് കെ. സോമന് എന്നിവരും പങ്കെടുത്തു.
