ഗുരുവായൂര് : രമേശ് ചെന്നിത്തല ഗുരുവായൂരില്. വെളളിയാഴ്ച ഇടവം ഒന്നിന് രാവിലെ അദ്ദേഹം ക്ഷേത്ര ദര്ശനം നടത്തും.രാത്രി 11 മണിയോടെയാണ് അദ്ദഹം ഗുരുവായൂരിലെത്തിയത്.
മുഖ്യമന്ത്രി പ്രഖ്യാപനത്തെ സ്വാഗതം ചെയ്യുന്നോ എന്ന മാധ്യമ പ്രവര്ത്തകരുടെ ചോദ്യത്തിന് രമേശ് ചെന്നിത്തല മറുപടി നല്കിയില്ല. ഒട്ടും സന്തോഷവാനല്ലെന്ന് ശരീരഭാഷയില് നിന്ന് വ്യക്തമായിരുന്നു.
വി ഡി സതീശനെ മുഖ്യമന്ത്രിയാക്കുന്ന വിവരം രാഹുല് ഗാന്ധി ഫോണില് അറിയിച്ചപ്പോള് ചെന്നിത്തല കടുത്ത അതൃപ്തി പ്രകടിപ്പിച്ചു എന്നാണ് അറിയുന്നത്.
വ്യാഴാഴ്ച വൈകിട്ട് തിരുവനന്തപുരത്ത് ചേര്ന്ന കോണ്ഗ്രസ് നിയമസഭാ കക്ഷിയോഗത്തില് രമേശ് ചെന്നിത്തല പങ്കെടുത്തില്ല. എന്നാല് വി ഡി സതീശനെ പിന്തുണച്ച് നിയമസഭാ കക്ഷിയോഗത്തിന് മുമ്പ് കെപിസിസി അധ്യക്ഷന് രമേശ് ചെന്നിത്തല കത്ത് നല്കി. മുഖ്യമന്ത്രി പ്രഖ്യാപനത്തിന് പിന്നാലെ രമേശ് ചെന്നിത്തല മാധ്യമങ്ങള്ക്ക് മുന്നിലെത്താതെ ഗുരുവായൂരിലേക്ക് പുറപ്പെട്ടിരുന്നു.
മന്ത്രിസഭയിലേക്കില്ലെന്ന നിലപാടില് രമേശ് ചെന്നിത്തല ഉറച്ചു നിന്നാല് അത് കോണ്ഗ്രസില് പുതിയ പ്രതിസന്ധി ഉണ്ടാക്കുമെന്നതിനാല് വേഗത്തില് രമേശ് ചെന്നിത്തലയെ അനുനയിപ്പിക്കാനുള്ള ശ്രമത്തിലാണ് എഐസിസി നേതൃത്വം.
