കാഞ്ഞങ്ങാട്: ആസാമില് വീണ്ടും മുഖ്യമന്ത്രിയായി സത്യപ്രതിജ്ഞ ചെയ്ത ഹിമന്ത ബിശ്വ ശര്മ്മക്ക് കാസര്കോടുമായി അടുത്ത ബന്ധം. പതിനാറു വര്ഷമായി അദ്ദേഹത്തിന്റെ ആത്മീയ ഗുരു ബേക്കല് ഗോകുലം ഗോശാലയുടെ അധിപനും പ്രമുഖ ജ്യോതിഷ പണ്ഡിതനുമായ വിഷ്ണു പ്രസാദ് ഹെബ്ബാറാണ്. 2010ല് ഏറ്റവും സങ്കീര്ണമായ കാലഘട്ടത്തിലൂടെ സഞ്ചരിക്കുമ്പോഴാണ് ഹിമന്ത വിഷ്ണു ഹെബ്ബാറിനെ കാണാന് വന്നത്.
ആസാമിലെ ഒട്ടനവധി ക്ഷേത്രങ്ങളുടെ പുനരുദ്ധാരണവും പുന:പ്രതിഷ്ഠകളും അതിരുദ്രങ്ങളും വിഷ്ണു ഹെബ്ബാറിന്റെ കാര്മ്മികത്വത്തിലാണ് നടന്നത്. കേരളത്തിലെ നിരവധി നൃത്ത സംഗീത വാദ്യകലാകാരന്മാരെ ആസാമുമായി ബന്ധിപ്പിക്കുന്നതും ഹെബ്ബാറിന്റെ പ്രയത്നത്തിലാണ്. വൈശാഖ നടനം ദേശീയ നൃത്യോത്സവം ഗോശാലയില് നടക്കുന്നതിനാല് സത്യപ്രതിജ്ഞയില് പങ്കെടുക്കാന് സാധിക്കില്ലെങ്കിലും 15ന് വിഷ്ണു ഹെബ്ബാര് ഗുവാഹത്തിയിലേക്ക് പുറപ്പെടും.
ജന്മഭൂമി ഓണ്ലൈന്