ചെന്നൈ: തമിഴ്നാട്ടില് എഐഎഡിഎംകെയില് പിളര്പ്പ്.എടപ്പാടി കെ പളനിസാമിയെ നിയമസഭ കക്ഷി നേതാവായി പിന്തുണച്ച് നിയമസഭാ സെക്രട്ടറിയ്ക്കും പ്രോടേം സ്പീക്കര്ക്കും 17 എംഎല്എമാര് കത്ത് നല്കിയപ്പോള് 30 പേര് എസ് പി വേലുമണിയെ പിന്തുണച്ച് കത്തയച്ചു. ഡെപ്യൂട്ടി സ്പീക്കര് തിരഞ്ഞെടുപ്പില് 30 പേര് ടിവികെയ്ക്ക് പിന്തുണ നല്കും.
ജനറല് സെക്രട്ടറി എടപ്പാടി കെ. പളനിസ്വാമി ജില്ലാ സെക്രട്ടറിമാരുടെ യോഗം വിളിച്ചിരുന്നു.സമാന്തരമായി സി വി ഷണ്മുഖവും എസ് പി വേലുമണിയും എംഎല്എമാരുടെ മറ്റൊരു യോഗം സംഘടിപ്പിച്ചു. വിമത വിഭാഗം വിളിച്ച യോഗത്തില് ഭൂരിഭാഗം എംഎല്എമാരും ജില്ലാ സെക്രട്ടറിമാരും പങ്കെടുത്തതായാണ് അറിയുന്നത്.
ടിവികെ അധ്യക്ഷന് സി. ജോസഫ് വിജയ് തമിഴ്നാട് മുഖ്യമന്ത്രിയായി സത്യപ്രതിജ്ഞ ചെയ്ത ദിവസം തന്നെയാണ് ഈ യോഗങ്ങള് നടന്നത്. നിയമസഭയിലെ വിശ്വാസ വോട്ടെടുപ്പില് വിജയിയെ പിന്തുണയ്ക്കുന്നതിനെക്കുറിച്ചും വിമത യോഗത്തില് ചര്ച്ചകള് നടന്നതായാണ് വിവരം.
