പത്തനംതിട്ട: പിഎം കിസാന് സമ്മാന് നിധി ഉള്പ്പെടെ കാര്ഷിക ആനുകൂല്യങ്ങള് വേഗത്തില് ലഭ്യമാക്കാന് കേന്ദ്ര ഡിജിറ്റല് കാര്ഷിക വിവര സങ്കേതത്തില് (അഗ്രിസ്റ്റാക്ക് ) ഈ മാസം 30 വരെ രജിസ്റ്റര് ചെയ്യാം.
കേന്ദ്രസര്ക്കാരിന്റെ ആനുകൂല്യങ്ങള് പല സംസ്ഥാനങ്ങളും വക മാറ്റി ചെലവാക്കി, അര്ഹതപ്പെട്ടവര്ക്ക് ആനുകൂല്യങ്ങള് നിഷേധിക്കുന്നതിന് പ്രതിവിധിയായാണ് കര്ഷകരുടെ ബാങ്ക് അക്കൗണ്ടിലേക്ക് ആനുകൂല്യങ്ങള് കേന്ദ്രസര്ക്കാര് നേരിട്ട് നല്കിത്തുടങ്ങിയത്. ഇടനിലക്കാരില്ലാതെ ആനുകൂല്യങ്ങള് ലഭിക്കുന്നത് സാധാരണ കര്ഷകര്ക്ക് വലിയ ആശ്വാസമാണ്. അഗ്രിസ്റ്റാക്ക് രജിസ്ട്രേഷനോടെ കര്ഷകര്ക്ക് സബ്സിഡി അടക്കം എല്ലാ ആനുകൂല്യവും നേരിട്ട് ലഭിക്കും. ഇപ്പോള് കിസാന് സമ്മാന് നിധി ലഭിക്കുന്നവര്ക്കും കതിര് ആപ്പില് മുമ്പ് രജിസ്റ്റര് ചെയ്തവര്ക്കും അഗ്രിസ്റ്റാക് രജിസ്ട്രേഷന് നിര്ബന്ധമാണെന്ന് കൃഷി വകുപ്പ് അറിയിച്ചു.
രജിസ്റ്റര് ചെയ്യാന്
കരം അടച്ച രസീത്, ആധാര് കാര്ഡ്, ആധാര് കാര്ഡ് ലിങ്ക് ചെയ്ത മൊബൈല് ഫോണ് എന്നിവയുമായി കൃഷിഭവനില് എത്തി സൗജന്യമായി രജിസ്റ്റര് ചെയ്യാം. സ്വന്തമായോ അക്ഷയ സെന്റര്, കോമണ് സര്വീസ് സെന്റര് ഇവ മുഖാന്തിരവും രജിസ്റ്റര് ചെയ്യാം. രജിസ്ട്രേഷന് പൂര്ത്തിയാക്കിയവര്ക്ക് 21 അക്ക കര്ഷക ഐഡി ലഭിക്കും. ഈ കാര്ഡ് ഉപയോഗിച്ച് കേന്ദ്ര-സംസ്ഥാന സര്ക്കാരുളുടെ ആനുകൂല്യങ്ങള് കൈപ്പറ്റാം.
ഡിജിറ്റല് ക്രോപ്പ് സര്വേ വിവരങ്ങളും റവന്യൂ ഭൂരേഖ വിവരങ്ങളും ഒത്ത് നോക്കിയാണ് രജിസ്ട്രേഷന് പൂര്ത്തിയാക്കുന്നത്. അതിനാല് വില്ലേജ് ഓഫീസില് നിന്നുള്ള പരിശോധന പൂര്ത്തിയായാലേ കര്ഷകര്ക്ക് ഐഡി കാര്ഡ് ലഭിക്കൂ.
കര്ഷകരുടെ കണക്കും വില്ലേജ് ഓഫീസിലെ കണക്കുമായി വ്യത്യാസം ഉണ്ടങ്കില് തിരിച്ചറിയല് കാര്ഡ് കിട്ടില്ല. തെറ്റായ വിവരം നല്കിയതിനാല് ഒട്ടേറെപ്പേര്ക്ക് രജിസ്ട്രേഷന് ഇതുവരെ പൂര്ത്തിയാക്കാനായിട്ടില്ല. ആയിരക്കണക്കിന് കര്ഷകര് ഇതുവരെ രജിസ്റ്റര് ചെയ്യാതെയുമുണ്ടെന്ന് കണക്കുകള് വ്യക്തമാക്കുന്നു.
സൈബര് തട്ടിപ്പില് കരുതല് വേണം
പത്തനംതിട്ട: കര്ഷകരെ ലക്ഷ്യമിട്ട് ഓണ്ലൈന് തട്ടിപ്പുകാര് രംഗത്തുണ്ടെന്ന് കൃഷി വകുപ്പ് ഉദ്യോഗസ്ഥര് മുന്നറിയിപ്പ് നല്കുന്നു. പിഎം കിസാന് സാമ്പത്തിക പദ്ധതിയുടെ മറവിലാണ് പ്രധാനമായും തട്ടിപ്പ്. പല കര്ഷകര്ക്കായി 14 ലക്ഷം രൂപയോളം നഷ്ടപ്പെട്ടിട്ടുണ്ടെന്ന് പോലീസില് ലഭിച്ച പരാതികളില് നിന്നു വ്യക്തമാകുന്നു. പത്തനംതിട്ട, പാലക്കാട്, മലപ്പുറം ജില്ലകളില് നിന്ന് മാത്രം 20 ഓളം പേര് തട്ടിപ്പിന് ഇരയായിട്ടുണ്ട്.
2018 മുതല് ഭാരതത്തില് പിഎം കിസാന് പദ്ധതിയിലൂടെ കര്ഷകര്ക്ക് സാമ്പത്തിക സഹായം ലഭ്യമാക്കുന്നുണ്ട്. ഈ പദ്ധതിയെക്കുറിച്ച് വിവരിക്കുന്ന സന്ദേശവും ഒരു എപികെ ഫയലും കര്ഷകരുടെ മൊബൈലിലേക്ക് അയച്ചാണ് തട്ടിപ്പ്. ഇതിനൊപ്പം ഈ ഫയല് ഇന്സ്റ്റാള് ചെയ്യാനുള്ള ശബ്ദസന്ദേശവുമുണ്ടാവും. ഈ ഫയല് ഇന്സ്റ്റാള് ചെയ്താല് ഉടന് എസ്.എം.എസ് അനുമതിക്കുള്ള നിര്ദേശം വരും. ഇത് നല്കുന്നതോടെ അക്കൗണ്ട് വിവരങ്ങള് തട്ടിപ്പുകാര്ക്ക് ലഭിക്കുകയും കര്ഷകന്റെ അക്കൗണ്ടിലുള്ള പണം പിന്വലിക്കാന് അവര്ക്ക് സാധിക്കുകയും ചെയ്യും. ഇത്തരം സന്ദേശം ലഭിച്ചാലുടന് 1930 എന്ന നമ്പറിലോ സൈബര് പോലീസിനെയോ അറിയിക്കണമെന്ന് കൃഷി വകുപ്പ് പറയുന്നു.
ജന്മഭൂമി ഓണ്ലൈന്