ചെന്നൈ: തമിഴ്നാട്ടില് ഉദയനിധി സ്റ്റാലിന്‍ പ്രതിപക്ഷ നേതാവ്.ഞായറാഴ്ച ചേര്‍ന്ന യോഗത്തില്‍ ഡിഎംകെ നിയമസഭാകക്ഷി നേതാവായി ഉദയനിധി സ്റ്റാലിനെ തെരഞ്ഞെടുക്കുകയായിരുന്നു.
ഇതോടെ തമിഴ്നാട്ടില് വിജയ്-ഉദയനിധി പോരാട്ടത്തിന് കളമൊരുങ്ങും.ഡിഎംകെ നേതാവ് മുഖ്യമന്ത്രിയായിരുന്ന എം.കെ. സ്റ്റാലിന്‍ പരാജയപ്പെട്ടതോടെയാണ് മകന്‍ ഉദയനിധി സ്റ്റാലിനെ പ്രതിപക്ഷനേതാവായി തെരഞ്ഞെടുത്തത്. മുന്‍ മന്ത്രി കെ.എന്‍. നെഹ്‌റുവാണ് പ്രതിപക്ഷ ഉപനേതാവ്.
ചെപ്പോക്ക് തിരുവള്ളിക്കേനിയില്‍ 7140 വോട്ടിനാണ് ടിവികെ സ്ഥാനാര്‍ഥിയും മുന്‍ കോണ്‍ഗ്രസ് നേതാവുമായ ഡി. സെല്‍വത്തെ ഉദയനിധി തോല്‍പ്പിച്ചത്.108 സീറ്റുകള്‍ നേടിയാണ് വിജയ് അധികാരത്തിലെത്തിയത്. കോണ്‍ഗ്രസും മുസ്ലീം ലീഗും സിപി എമ്മും സി പി ഐയും വിസി കെയും പിന്തുണ നല്‍കിയതോടെ വിജയുടെ ടി വി കെയ്‌ക്ക് 120 പേരുടെ പിന്തുണ ലഭിക്കുകയായിരുന്നു.
ഡിഎംകെയ്‌ക്ക് 59 സീറ്റുകളാണ് നേടാനായത്.
