തിരുവനന്തപുരം: മുഖ്യമന്ത്രി ആരാകണമെന്ന കാര്യത്തില് എംഎല്എമാരുടെയും മുതിര്ന്ന നേതാക്കളുടെയും ഘടകകക്ഷികളുടെയും നിലപാട് അറിയാനെത്തിയ എഐസിസി നിരീക്ഷകരായ അജയ് മാക്കനും മുകുള് വാസ്നിക്കും ദല്ഹിക്ക് മടങ്ങി.
ഇവരുടെ റിപ്പോര്ട്ട് പരിഗണിച്ച് ചര്ച്ചകള്ക്കുശേഷം ഹൈക്കമാന്ഡ് കേരളത്തില്നിന്നുള്ള നേതാക്കളെ ദല്ഹിയിലേക്കു വിളിപ്പിച്ച് കൂടിക്കാഴ്ച നടത്തുമെന്നാണ് അറിയുന്നത്.കെപിസിസി ആസ്ഥാനമായ ഇന്ദിരാഭവനില് വ്യാഴാഴ്ച നടന്ന കോണ്ഗ്രസ് നിയമസഭാകക്ഷി യോഗത്തില് അജയ് മാക്കനും മുകുള് വാസ്നിക്കും പങ്കെടുത്തു. നിയമസഭാകക്ഷി നേതാവിനെ തീരുമാനിക്കാനുള്ള പൂര്ണ അധികാരം എഐസിസി പ്രസിഡന്റിന് നല്കിക്കൊണ്ടുള്ള പ്രമേയം യോഗം ഏകകണ്ഠമായി പാസാക്കി.
കെപിസിസി പ്രസിഡന്റ് സണ്ണി ജോസഫ് അവതരിപ്പിച്ച പ്രമേയത്തെ വി.ഡി. സതീശന് പിന്താങ്ങി. തുടര്ന്ന് കേന്ദ്രനിരീക്ഷകര് 63 എംഎല്എമാരുമായും ഒറ്റയ്ക്കൊറ്റയ്ക്കു കൂടിക്കാഴ്ച നടത്തി അഭിപ്രായം ആരാഞ്ഞു..
