തിരുവനന്തപുരം: യു ഡി എഫിലെ മുഖ്യമന്ത്രി ചര്ച്ചകളില് മുസ്ലീംലീഗ് എഐസിസി നിരീക്ഷകരെ നിലപാട് അറിയിച്ചു.ഘടകകക്ഷികളുടെ നിലപാട് ചര്ച്ച ചെയ്ത ശേഷം ഹൈക്കമാന്ഡ് തീരുമാനം അറിയിക്കുമെന്ന് മുസ്ലീംലീഗ് ദേശീയ ജനറല് സെക്രട്ടറി പി കെ കുഞ്ഞാലിക്കുട്ടി പറഞ്ഞു. കൂടുതല് തുറന്നു പറയാന് ഇപ്പോള് കഴിയില്ലെന്ന് അദ്ദേഹം പറഞ്ഞു.
നിയമസഭാ കക്ഷിയോഗം പൂര്ത്തിയായപ്പോള് മുഖ്യമന്ത്രിസ്ഥാനത്തേക്ക് പരിഗണിക്കപ്പെടുന്ന മൂന്ന് നേതാക്കളും ഒരുപോലെ മുന്തൂക്കം അവകാശപ്പെടുന്നുണ്ട്. എഐസിസി നിരീക്ഷകര്ക്ക് മുന്നില് എംഎല്എമാര് നിലപാട് അറിയിച്ചു.
കെസി വേണുഗോപാല് വിഭാഗത്തിന്റെ കണക്കനുസരിച്ച് അവര്ക്ക് 47 പേരുടെ പിന്തുണയുണ്ട്. രമേശ് ചെന്നിത്തലയ്ക്ക് 9 എംഎല്എമാരുടെയും വി.ഡി സതീശന് എട്ട് എംഎല്എമാരുടെയും പിന്തുണ മാത്രമേ ഉള്ളൂ എന്നാണ് കെ സി പക്ഷത്തിന്റെ കണക്ക്. എന്നാല് 35 എംഎല്എമാര് പിന്തുണച്ചു എന്നാണ് വി ഡി സതീശന് പക്ഷത്തിന്റെ അവകാശവാദം. രമേശ് പക്ഷത്തിന്റെ കണക്കനുസരിച്ച് 25 എംഎല്എമാരുടെ പിന്തുണ കെസി വേണുഗോപാലിനും 23 പേരുടെ പിന്തുണ ചെന്നിത്തലയ്ക്കും 8 പേരുടെ പിന്തുണ വിഡി സതീശനും ഉണ്ട്. 7 എംഎല്എമാര് സ്വതന്ത്ര സമീപനം സ്വീകരിച്ചു എന്നും ചെന്നിത്തല വിഭാഗം പറയുന്നു. നിരീക്ഷകരെ കണ്ട എംപിമാരില് ഭൂരിപക്ഷം കെ സി വേണുഗോപാലിനെയാണ് പിന്തുണച്ചത്.
നിരീക്ഷകരുടെ റിപ്പോര്ട്ട് പരിഗണിച്ചാകും ഹൈക്കമാന്ഡിന്റെ തീരുമാനം.തീരുമാനത്തിനു മുന്പ് മുഖ്യമന്ത്രി സ്ഥാനത്തേക്ക് പരിഗണിക്കുന്ന മൂന്നു നേതാക്കളെയും ദല്ഹിക്ക് വിളിപ്പിക്കും. കെപിസിസി അധ്യക്ഷനുമായി ചര്ച്ച നടത്തിയ ശേഷം ആയിരിക്കും അന്തിമ തീരുമാനം.
