കൊച്ചി : മുഖ്യമന്ത്രി സ്ഥാനത്തിനായി ചര്ച്ചകളും ചരടുവലികളും സജീവമായിരിക്കെ
വി ഡി സതീശനായി തെരുവിലിറങ്ങി കോണ്ഗ്രസ് പ്രവര്ത്തകര്. എറണാകുളത്താണ് കോണ്ഗ്രസ് പ്രവര്ത്തകര് സതീശന് അനുകൂല പ്രകടനം നടത്തിയത്. ‘പട നയിച്ചവന് നാട് നയിക്കട്ടെ ‘ എന്ന മുദ്രാവാക്യം വിളികളോടെ ആയിരുന്നു പ്രകടനം . പത്ത് വര്ഷമായി തകര്ന്നുകൊണ്ടിരുന്ന കോണ്ഗ്രസിനെ തിരികെ കൊണ്ടുവന്നത് വി ഡി സതീശനാണ്. അദ്ദേഹത്തെ മുഖ്യമന്ത്രിയാക്കണമെന്ന് പ്രവര്ത്തകര് ആവശ്യപ്പെട്ടു.
നെട്ടൂരിലെ ഐഎന്ടിയുസി പ്രവര്ത്തകരാണ് പ്രകടനം നടത്തിയത്. കെ.സി വേണുഗോപാലിന്റെ നാട്ടിലും വി.ഡി സതീശനായി പ്രകടനം നടത്തുമെന്ന് പ്രവര്ത്തകര് പറഞ്ഞു. പഴയങ്ങാടിയില് വൈകിട്ടാണ് കോണ്ഗ്രസ് പ്രവര്ത്തകര് പ്രകടനം നടത്തുക. കോഴിക്കോട് കുറ്റ്യാടിയില് വ്യാഴാഴ്ച രാത്രി 8 മണിക്കാണ് പ്രകടനം.
അതേസമയം ആരാകണം മുഖ്യമന്ത്രിയെന്ന കാര്യം തീരുമാനിക്കാന് എ ഐ സി സി നിരീക്ഷകരുടെ നേതൃത്വത്തില് നിര്ണായക ചര്ച്ചകള് തിരുവനന്തപുരത്ത് പുരോഗമിക്കുകയാണ്. മുഖ്യമന്ത്രി സ്ഥാനത്തിനായി കെ സി വേണുഗോപാല്, വി ഡി സതീശന്, രമേശ് ചെന്നിത്തല പക്ഷങ്ങള് അരയും തലയും മുറുക്കി രംഗത്തിറങ്ങിയിരിക്കുകയാണ്.
എ ഐ സി സി ജനറല് സെക്രട്ടറിമാരായ കേരളത്തിലെ നിരീക്ഷകര് മുകുള് വാസ്നിക്കും അജയ് മാക്കനും എം എല് എമാരെ ഒറ്റയ്ക്ക് ഒറ്റയ്ക്ക് കണ്ടപ്പോള്, കെ സി പക്ഷ കണക്കുകളെല്ലാം തെറ്റിയെന്നാണ് വി ഡി പക്ഷവും ആര് സി പക്ഷവും പറയുന്നത്.46പേരുടെ പിന്തുണ എന്ന കെ സി പക്ഷത്തിന്റെ കണക്ക് തെറ്റാണെന്ന് വി ഡി , ആര് സി പക്ഷങ്ങള് പറഞ്ഞു. 30 മുതല് 35 വരെ എം എല് എ മാരുടെ പിന്തുണ തങ്ങള്ക്കാണെന്നാണ് വി ഡി പക്ഷം പറയുന്നത്. 23 പേരുടെ പിന്തുണ എന്നാണ് ചെന്നിത്തല പക്ഷത്തിന്റെ അവകാശവാദം.
