അഹമ്മദാബാദ്: മമത 15 വര്ഷവും പിണറായി പത്ത് വര്ഷവും സ്റ്റാലിന് 5 വര്ഷവും ഭരിച്ചപ്പോള് ജനങ്ങള്ക്ക് ഇവരുടെ ഭരണം അസഹ്യമായി. ഈ കടുത്ത ഭരണവിരുദ്ധവികാരം ഈ മൂന്ന് മുഖ്യമന്ത്രിമാരെ തൂത്തെറിഞ്ഞപ്പോള് ഗുജറാത്തില് 30 വര്ഷമായി ഭരിച്ചിട്ടും ബിജെപി വിജയഗാഥ തുടരുകയാണ്.
എന്താണ് ഇതിന്റെ രഹസ്യം? എങ്ങിനെയാണ് ബിജെപി ഭരണവിരുദ്ധവികാരത്തെ മറികടക്കുന്നത്? രാഷ്ട്രീയത്തിലുള്ളവര് ആരും ഇതേക്കുറിച്ചൊന്നും പഠിക്കുന്നില്ല എന്നതാണ് വാസ്തവം. കൃത്യമായി കാര്യങ്ങള് പഠിക്കുന്നത് ബിജെപി മാത്രം. തെറ്റുകളില് നിന്ന്, വീഴ്ചകളില് നിന്ന് എല്ലാം അവര് പാഠങ്ങള് പഠിക്കുന്നു. പിന്നീട് കുറവുകള് നികത്തി മുന്നോട്ട് പോകുന്നു.
മെയ് നാലിന് ഗുജറാത്തിലെ ഉംറേത്ത് എന്ന നിയോജകമണ്ഡലത്തില് നടന്ന ഉപതെരഞ്ഞെടുപ്പില് ബിജെപിയുടെ സ്ഥാനാര്ത്ഥിയായ ഹര്ഷദ് പാര്മര് ജയിച്ചത് 30,000 വോട്ടുകള്ക്കാണ്. ഇതാണ് ബിജെപിയുടെ മാജിക്. 1995ലാണ് ബിജെപി ആദ്യമായി അധികാരത്തില് വന്നത്. ഇപ്പോള് കൃത്യമായി പറഞ്ഞാല് ഇത് 31ാമത്തെ വര്ഷമാണ്ബിജെപി തുടര്ച്ചയായി ഭരിയ്ക്കുന്നത്. ഏഴ് തവണയാണ് നിയമസഭാ തെരഞ്ഞെടുപ്പില് ബിജെപി ഇവിടെ ജയിച്ചത്.
കേശുഭായി പട്ടേലാണ് 1995ല് ഇവിടെ ബിജെപി മുഖ്യമന്ത്രിയായി അധികാരത്തില് എത്തിയത്. 1995 മാര്ച്ച് 14 മുതല് 2026 വരെ ബിജെപിയുടെ ഏഴ് മുഖ്യമന്ത്രിമാരാണ് ഇവിടെ പിറന്നത്. സുരേഷ് ചന്ദ്രമഹല്, ശങ്കര് സിംഗ് വഗേല, ദിലീപ് ഭായി പരേഖ്, നരേന്ദ്രമോദി, ആനന്ദിബെന് പട്ടേല്, വിജയ് രൂപാണി, ഭൂപേന്ദ്ര പട്ടേല് എന്നിവരാണ് ഈ മുഖ്യമന്ത്രിമാര്.
അഴിമതിയുടേതോ, മറ്റേതെങ്കിലും രൂപത്തിലോ വലിയ വിവാദങ്ങളില്ലാതെ ഭരണം മുന്നോട്ട് കൊണ്ടുപോവുക എന്നതാണ് ലകഷ്യം. താഴേത്തട്ടിലുള്ള ജനങ്ങളുമായി എപ്പോഴും സഹകരണം സജീവമായി നിലനിര്ത്തുക എന്നതാണ് മറ്റൊരു വഴി. ഇതിനെല്ലാം അപ്പുറം ഗുജറാത്തുകാരുടെമോദി പ്രധാനമന്ത്രിയായി ഇരിക്കുന്നു എന്നതും ഗുജറാത്തുകാരെ ബിജെപിയ്ക്ക് അപ്പുറം ചിന്തിക്കാന് പ്രേരിപ്പിക്കുന്നില്ല. മന്ത്രിമാരെ ഇടയ്ക്കിടെ മാറ്റി പുതിയ മുഖങ്ങളെ കൊണ്ടുവരിക എന്നതാണ് ഭരണവിരുദ്ധവികാരങ്ങളെ മറികടക്കാനുള്ള മോദിയുടെ ഫോര്മുല. പക്ഷെ കുടുംബരാഷ്ട്രീയത്തില് വിശ്വസിക്കുന്ന സ്റ്റാലിനും മമതയ്ക്കും പിണറായി വിജയനും അവരില്ലാത്ത ഒരു ഭരണം ചിന്തിക്കാന് കൂടി കഴിയില്ല. സ്റ്റാലിന് തനിക്ക് ശേഷം മകനേയും മമത തനിക്ക് ശേഷം മരുമകന് അഭിഷേക് ബാനര്ജിയേയും പിണറായി തനിക്ക് ശേഷം മരുമകന് മുഹമ്മദ് റിയാസിനേയും അധികാരമേല്പിക്കാന് ശ്രമിക്കുന്നു. ഇതിനെല്ലാം അപ്പുറം മോദി പ്രധാനമന്ത്രിയായിരിക്കുന്നു എന്നതും ഗുജറാത്തുകാരെ ഏറെ സന്തോഷിപ്പിക്കുന്നു. ഗുജറാത്തിലെ നഗരവോട്ടര്മാര്ക്ക് ഇപ്പോഴും നരേന്ദ്രമോദിയോട് വൈകാരികമായ അടുപ്പമുണ്ട്.
