തൃശൂര്:ഇരിങ്ങാലക്കുട കൂടല്മാണിക്യം ക്ഷേത്രത്തില് ഉത്സവത്തിന് കൊണ്ട് വന്ന ആന ഇടഞ്ഞു. പുലര്ച്ചെ ഒരു മണിയോടെയാണ് മച്ചാട് ഗോപാലന് എന്ന ആന ഇടഞ്ഞത്.
വിളക്ക് എഴുന്നള്ളിപ്പിന് ശേഷം ദേവസ്വം ഉടമസ്ഥതയിലുളള മഹാത്മ ലൈബ്രറിയ്ക്ക് സമീപമുള്ള പറമ്പില് തളച്ചിരുന്ന ആനയാണ് ഇടഞ്ഞത്.തെങ്ങില് തളച്ചിരുന്ന ആന തെങ്ങ് മറിച്ചിട്ടു.എലിഫന്റ് സ്ക്വാഡ് അംഗങ്ങളും പാപ്പാന്മാരും ചേര്ന്ന് ഏറെ നേരത്തെ പരിശ്രമത്തിലൂടെ ആണ് ആനയെ തളച്ചത്.
ആനയെ ഉടന് തന്നെ ഇവിടെ നിന്നും മാറ്റുമെന്ന് അധികൃതര് അറിയിച്ചു. ഇത്തവണത്തെ ഉത്സവത്തിനിടെ ഇത് മൂന്നാം തവണയാണ് ആന ഇടയുന്നത്. വെള്ളിയാഴ്ച്ച വാഴ്വാടി കാശിനാഥന് എന്ന ആന ഇടഞ്ഞ് പാപ്പാനെ ചവിട്ടി കൊല ചെയ്തിരുന്നു. അതിന് തൊട്ടടുത്ത ദിവസം ഗുരുവായൂര് ദേവദാസ് എന്ന ആന ഇടഞ്ഞ് പാപ്പാനെ ഓടിച്ചതോടെ ഉത്സവത്തില് പങ്കെടുപ്പിക്കാതെ തിരിച്ച് അയച്ചു. തുടര്ന്നാണ് ഇന്ന് മച്ചാട് ഗോപാലനും ഇടഞ്ഞത്.
