ടെഹ്റാന്: താത്കാലിക വെടിനിര്ത്തലല്ല, പകരം ഒരു മാസത്തിനുള്ളില് യുദ്ധം അവസാനിപ്പിക്കണമെന്ന് യുഎസിനോട് ഇറാന്. ഇറാന് മുന്നോട്ടുവെച്ച 14 ഇന നിര്ദേശങ്ങളിലാണ് ഇക്കാര്യം വ്യക്തമാക്കിയിരിക്കുന്നത്. ഇറാന് മേലുള്ള യുഎസിന്റെ ഉപരോധം പിന്വലിക്കുക, ഹോര്മൂസില് പുതിയ സംവിധാനം ഏര്പ്പെടുത്തുക, മരവിപ്പിച്ച ആസ്തികള് വിട്ട് നല്കുക തുടങ്ങിയവയാണ് മറ്റ് നിര്ദേശങ്ങള്.
എന്നാല് ഇറാന്റെ നിര്ദേശങ്ങള് യുഎസ് പ്രസിഡന്റ് ഡൊണാള്ഡ് ട്രംപ് തള്ളി. 14 ഇന നിര്ദേശങ്ങള് അംഗീകരിക്കാനാകില്ലെന്നും നിലവിലെ വെടിനിര്ത്തല് ശാശ്വത കരാറാക്കി മാറ്റാനാണ് ഇറാന് ശ്രമിക്കുന്നതെന്നുമാണ് ട്രംപിന്റെ വാദം. ‘ഇത് എനിക്ക് അംഗീകരിക്കാനാവില്ല. ഞാന് ഇത് വിശദമായി പഠിച്ചു, എല്ലാ കാര്യങ്ങളും പരിശോധിച്ചു. പക്ഷേ ഈ നിര്ദേശം സ്വീകാര്യമല്ല,” ട്രംപ് പറഞ്ഞു. ഇറാന് ഒരു കരാറിനായി ആഗ്രഹിക്കുന്നുണ്ടെങ്കിലും അവര് വാഗ്ദാനം ചെയ്ത കാര്യങ്ങളില് താന് സംതൃപ്തനല്ലെന്നും തനിക്ക് യോജിക്കാന് കഴിയാത്ത പല കാര്യങ്ങളും അതിലുണ്ടെന്നുമായിരുന്നു ട്രംപിന്റെ ന്യായീകരണം. അതേസമയം ഹോര്മൂസില് കുടങ്ങിക്കിടക്കുന്ന കപ്പലുകളെ പുറത്തെത്തിക്കാന് യുഎസ് പ്രസിഡന്റ് പുതിയ പദ്ധതി ആസൂത്രണം ചെയ്യുന്നുണ്ടെന്നാണ് റിപ്പോര്ട്ട്. പ്രൊജക്റ്റ് ഫ്രീഡം എന്നാണ് പദ്ധതിക്ക് നല്കിയിരിക്കുന്ന പേര്.
