കോഴിക്കോട്: നിയമസഭാ തെരഞ്ഞെടുപ്പ് ഫലം പുറത്തുവരുമ്പോള് ശക്തി തെളിയിച്ച് മുസ്ലീം ലീഗ്.
മുസ്ലിം ലീഗിന്റെ വിജയശതമാനം 81.48 ആണ്. 27 സീറ്റുകളില് മത്സരിച്ച് 22 ഇടങ്ങളില് ജയിച്ചു കയറി. അതില് തന്നെ രണ്ട് സീറ്റുകളില് ചുണ്ടിനും കപ്പിനുമിടയിലാണ് വിജയം നഷ്ടമായത്.
ഇപ്രാവശ്യം മറ്റെല്ലാ പാര്ട്ടികള്ക്കും മുമ്പേ സ്ഥാനാര്ത്ഥി നിര്ണയം നടത്തിയവരാണ് മുസ്ലിം ലീഗ്. മലബാറിലെ യുഡിഎഫ് വിജയത്തില് വലിയ പങ്ക് എണ്ണയിട്ട യന്ത്രം പോലെ പ്രവര്ത്തിച്ച മുസ്ലിം ലീഗ് അണികള്ക്കുള്ളതാണ്. ഈ ആള്ബലം വച്ച് ലീഗ് വിലപേശി ഉപമുഖ്യമന്ത്രി സ്ഥാനം അടക്കം കൈപ്പറ്റുമോ എന്നുള്ളതാണ് ഇനി അറിയേണ്ടത്.
ശക്തമായ മുസ്ലീം ധ്രുവീകരണം ഉണ്ടായെന്ന് തെരഞ്ഞെടുപ്പ് ഫലത്തില് നിന്ന് വായിച്ചെടുക്കാം.സി പി എം ഹൈന്ദവ വിഭാഗത്തോട് മൃദു സമീപനം സ്വീകരിക്കുന്നുവെന്ന പ്രചാരണം ലീഗിനെ മികച്ച വിജയം നേടാന് സഹായിച്ചു.
