തൃശൂര് :മുണ്ടത്തിക്കോട് വെടിക്കെട്ട്പുര ദുരന്തത്തില് മരിച്ചവരുടെ കുടുംബങ്ങള്ക്ക് തിരുവമ്പാടി ദേവസ്വം ധനസഹായം പ്രഖ്യാപിച്ചു. ഞായറാഴ്ച ചേര്ന്ന അനുശോചന യോഗത്തിലാണ് തിരുവമ്പാടി ദേവസ്വത്തിന്റെ പ്രഖ്യാപനം.
മരിച്ച ലൈസന്സി മുണ്ടത്തിക്കോട് സതീഷിന്റെ കുടുംബത്തിന് അഞ്ച് ലക്ഷം രൂപ നല്കും. തിരുവമ്പാടി ദേവസ്വം പ്രതിനിധികളായി ദുരന്ത സ്ഥലത്ത് എത്തി വെടിക്കെട്ട് അപടത്തില് മരിച്ച അഞ്ചുപേരുടെ കുടുംബങ്ങള്ക്കും അഞ്ചുലക്ഷം രൂപ വീതവും മരിച്ച മറ്റു തൊഴിലാളികളുടെ കുടുംബങ്ങള്ക്ക് രണ്ടുലക്ഷം വീതവും സഹായധനമായി നല്കും
ഏപ്രില് 21നാണ് മുണ്ടത്തിക്കോട് വെടിക്കെട്ടുപുരയില് സ്ഫോടനമുണ്ടായത്. തൃശൂര് പൂരത്തില് തിരുവമ്പാടി വിഭാഗത്തിന് വേണ്ടി വെടിക്കോപ്പുകള് നിര്മിക്കുന്നതിനിടെയായിരുന്നു സ്ഫോടനം. ദുരന്തത്തില് 17 പേരാണ് മരിച്ചത്.
